wadau wa marekani wasaidia madawati shule ya dar

Mlezi wa umoja wa wanafunzi wa marekani

Meja Jenerali mstaafu Benjamin Msuya akiongea

wakati wa hafla ya kukabidhi madawati hayo katika Shule ya Msingi

Mtakuja iliyopo Kata ya Kunduchi katika Manispaa ya Kinondoni.

Mlezi wa umoja wa wanafunzi hao Meja Jenerali mstaafu Benjamin Msuya akimpa ujira fundi seremala aliyetengeneza madawati hayo kwa ajili ya Shule ya Msingi Mtakuja iliyopo Kata ya Kunduchi katika Manispaa ya Kinondoni.
Mlezi wa umoja wa wanafunzi hao Meja Jenerali mstaafu Benjamin Msuya akimkabidhi Kaimu Afisa elimu wa Manispaa ya Kinondoni Faustine Kikove moja ya madawati 32 yaliyochangwa na wadau wa marekani

Wanafunzi wa Shule ya Msingi Mtakuja iliyopo

Kata ya Kunduchi katika Manispaa ya Kinondoni wakitumbuiza wakati wa hafla hiyo.

Wanafunzi wa Shule ya Msingi Mtakuja iliyopo Kata ya Kunduchi katika Manispaa ya Kinondoni.

Wanafunzi wa Shule ya Msingi Mtakuja wakifurahia zawadi ya madawati toka kwa wanafunzi wanaosoma marekani

WAZAZI nchini wametakiwa kuwa mstari wa mbele katika kuchangia maendeleo ya elimu ili siku tatizo la ujinga,maradhi na umasikini ambalo ni adui mkubwa wa Taifa liweze kubakia kuwa historia.

Rai hiyo imetolewa jana na Kaimu Afisa elimu wa Manispaa ya Kinondoni Faustine Kikove wakati akipokea msaada wa Madawati 32 yenye thamani ya Sh.1,892000,yaliyotolewa na umoja wa wanafunzi wanawake wa Kitanzania wanaosoma Marekani kwa ajili ya Shule ya Msingi Mtakuja iliyopo Kata ya Kunduchi katika Manispaa ya Kinondoni.

Kikove alisema elimu ni nguzo kubwa na msingi wa maisha bora kwa kila mtanzania anayetambua umuhimu wake na kwamba kama kila mzazi atajitolea katika kuchangia ni dhairi kwamba Siku moja Taifa litapiga hatua kubwa katika maendeleo kufuatia umuhimu huo kutambulika.

“Nachosema hapa ni kwamba kila mzazi atambue kuwa jukumu la kumsomesha ni mtoto ni lake na siyo mtu mwingine, kwa maana hiyo hata jukumu la kuchangia maendeleo ya shule pia ni la mzazi,ni vyema kama tutajenga utamaduni huu ili siku moja nasi tuweze kupiga hatua katika maendeleo ya elimu yetu”alisema Kikove

Akikabidhi msaada huo Mlezi wa umoja wa wanafunzi hao Meja Jenerali mstaafu Benjamin Msuya alisema kwa kipindi kirefu wanafunzi hao wamekuwa wakijitolea kuchangia maendeleo ya elimu katika shule mbalimbali hapa nchini ambapo kwa kipindi hiki wameona ni vyema wakaichangia shule hiyo baada ya kubaini kuwepo kwa upungufu mkubwa wa vifaa mbalimbali yakiwemo madawati.

Alisema hali hiyo ilitokana na mmoja wa wanafunzi hao kutembelea shule hiyo na kujionea tatizo hilo ambapo aliporudi Marekani yeye na wenzake walishauriana na kuona vyema wajichange na kusaidia japo kupunguza tatizo hilo ili wanafunzi hao wa Shule ya Msingi Mtakuja waweze kupata elimu yao kwa ufasaha.

Kwa upande wake Mwalimu Mkuu wa Shule hiyo David Maleko alisema msaada huo utawasaidia katika kupunguza kero ya baadhi ya wanafunzi kukaa chini na kuwataka wazazi na wasamaria wengine wenye mapenzi mema na shule hiyo kuendelea kuisadia shule hiyo kwa kuwa bado inakabiriwa na upungufu wa madawati kwa kiasi kikubwa.

“Tutafurahishwa sana endapo watajitokeza wasamaria wengine na kuiga mfano wa wanafunzi waliotusaidia madawati haya kwa kuwa mpaka sasa tunakabiriwa na upungufu wa madawati 112 kutoka upungufu wa madawati 144 tuliokuwa tukikabiriwa nao” alisema Mwalimu Mkuu huyo Maleko.

Pamoja na uhaba wa madawati Shule hiyo inakabiriwa na upungufu wa viti 53,Meza 23,Makabati 19,Nyumba za walimu 34 pamoja na matundu ya vyoo 38 huku shule hiyo ikiwa na wanafunzi 1345 ambapo kati yao wavulana ni 657 na wasichana 688.

--------------------------------------------

Globu ya Jamii imeguswa sana na kitendo cha wadau hao wa Marekani kwa kukumbuka wenzao wanaosota katika kusaka nondozzzz. Huu ni mfano wa kuigwa na wito unatolewa kuwe na harambee kama hizi mara kwa mara

-Michuzi