THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.



TAHADHARI DHIDI YA BARUA ZA KUGUSHI ZA KUPANGIWA VITUO VYA KAZI ZINAZOTOLEWA KWA WATAALAMU WA KADA ZA AFYA


Wizara ya Afya na Ustawi wa Jamii imekuwa ikiwapangia vituo vya kazi wahitimu wa Kada za Afya tangu mwaka 2005/2006.    Katika siku za hivi karibuni kumekuwepo na Matapeli wanaowarubuni na kuwaibia fedha baadhi ya waombaji wa kazi kwa lengo la kuwapangia vituo vya kazi vya Uuguzi na Wahudumu wa Afya.

Wizara inapenda kuwaarifu wananchi hususan wahitimu wa Kada mbalimbli za Afya kuwa:-

1. Kwa mwaka 2012/2013 Wizara bado haijapata Kibali cha kuwapangia Vituo vya kazi.  Kibali hicho kitakapotolewa wananchi watatangaziwa utaratibu wa jinsi ya kuomba kupitia Runinga, Magazeti, Radio na Tovuti ya Wizara (www.moh.go.tz).

2. Wizara itabadili mfumo wake wa utoaji wa barua za kupangiwa vituo vya kazi ambapo kuanzia sasa waombaji hawatapewa barua za kupangiwa vituo vya kazi bali majina ya waombaji na vituo walivyopangiwa yatatolewa kupitia Tovuti ya Wizara (www.moh.go.tz) na wahusika watatakiwa kwenda kuripoti katika vituo walivyopangiwa baada ya kuona majina yao kupitia mtandao.

3. Upangaji wa vituo vya kazi hauwagharimu fedha yoyote.  Hivyo, waombaji wote msitoe fedha yoyote kwa ajili ya ahadi kuwa utapata ajira na mnatakiwa kuwa makini na matapeli hao.


Regina L. Kikuli
KAIMU KATIBU MKUU
03 DESEMBA, 2012


Hoja moja imeshachangiwa mpaka sasa.

  1. Anonymous Anasema:

    Du kama ni hivi basi tulipofikia sasa si pazuri tena na nadhani huko tunakokwenda kwa spidi hii mambo ndio yatakua mabaya zaidi.