THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL MICROFINANCE BANK (NMB) | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | AIR UGANDA - THE WING OF EAST AFRICA | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.





WATANZANIA KUMIMINIKA KUMSIKILIZA MWIGULU NCHEMBA JIJI LA LEICESTER UINGEREZA

Watanzania nchini Uingereza wamejitayarisha kuhudhuria mkutano wa wazi siku ya Jumamosi mchana ili kumsikiliza Mbunge wa Iramba Magharibi Ndugu Mwigulu Nchemba. Huu ni mwendelezo wa ziara alizofanya Ndugu Nchemba na ujumbe wake akitokea Marekani alipopokewa na mamia ya watanzania na makada wa CCM nchini huko.

Aidha katika ziara zake nje ya nchi ndugu Nchemba ameweka bayana msimamo wa CCM na Serikali yake katika hatua za makusudi za kuhakikisha watanzania nje ya nchi wanatambulika katika mipango madhubuti ya kitaifa na kwamba wakati umefika wa rasilimali za wanadiaspora kuanza kutumika kujenga nchi yao bila uwoga.

Uchunguzi wetu umefanya mawasiliano na kubaini kuwa watanzania toka majiji mbalimbali ya hapa Uingereza watasafiri kuhudhuria mkutano huo ili kujua serikali imeandaa mbinu gani mpya za kutatua kero za watanzania wanaoishi diaspora. Mkutano huo ambao utaambana na meza ya vyakula na vinywaji itakayoandikwa na mpishi maarufu wa kitanzania na baadaye kufuatiwa na muziki utafanyika katika ukumbi maarufu na wa kisasa wa St. Patrick's 100, Beaumont. Leys Lane. Leicester. LE4 2BD.

Na Leyla Shomari,
Tanzania Now: Freelance Observers: Slough. St.Marys Road. SL3


Kuna Maoni 2 mpaka sasa.

  1. Anonymous Anasema:

    na kwa wingi wetu tunakwenda.Tanzania ni moja.

    Maafudh Seif.

  2. Anonymous Anasema:

    CCM UK INAWAKARIBISHA WATANZANIA WOTE , Wanachama na Wasio Wanachama katika Mkutano huu . Kama Watanzania wa nje ya NChi , nia yetu ni moja katika kuhakikisha tunapeleka mchango wetu wa hali na mali nyumbani katika kuendeleza nchi. Karibu umsikie Naibu Katibu Mkuu wa Chama cha Siasa, usingoje kuhadithiwa akikueleza nini kinafanyika kwenye utekelezaji wa Ilani ya Uchaguzi wa Serikali ya CCM. CCM OYeee

    Mariam M
    KATIBU CCM UK