NGOMA AFRICA BAND KUTUMBUIZA JUMAMOSI 30 JULAI 2016 STUTTGART,UJERUMANI

Baada ya kuwadatisha washabiki katika maonyesho mawili makubwa kule bayreuth na tubingen sasa kamanda Ras Makunja anakipeleka kikosi kazi cha Ngoma Africa band aka FFU-Ughaibuni katika onyesho kubwa la XXL Afro Summer Jam mjini Stuttgart nchini ujerumani.

Onyesho hilo litafanyika siku ya jumamosi 30 Julai 2016 katika ukumbi mkubwa wa Kulturhaus Arena,uliopo Ulmer Str. 241, 70327 Stuttgart, Ujerumani.

Akiongea na vyombo vya habari kiongozi wa bendi hiyo Ebrahim Makunja aka Kamanda Ras Makunja alisema Ngoma Africa band ni mali ya washabiki na ina kazi moja tu nayo kudatisha washabiki katika kila onyesho bila kurembaremba.

Bendi hiyo iliyojizolea umaarufu na maelfu ya washabiki kila kona duniani imejiwekea rekodi ya aina yake kuwa ni bendi ya mwanzo ya kiafrika kuimiri vishindo, na kudumu kwa miaka 23 ughaibuni na kufanikiwa kuwanasa washabiki wa kimataifa. ungana nao kupita Mtandao wao wa www.ngoma-africa.com au wape hi hapo www.facebook.com/ngomaafricaband

Kamanda Ras Makunja akiongoza mapambano.

Kikosi cha Mashambulizi kikifanya mabo.