THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

DC KISHAPU AFANYA KIKAO NA WAFUGAJI WA WILAYA

Mkuu wa Wilaya ya Kishapu mkoani Shinyanga, Nyabaganga Taraba akizungumza na makundi ya wafugaji wa wilayani humo (hawapo pichani) katika kikao cha kujadili maendeleo ya sekta hiyo na kujadili changamoto mbalimbali zinazoikabili. 

 Tukio hilo limefanyika leo katika ukumbi wa Halmashauri ya Wilaya ya Kishapu ambapo mkuu huyo wa wilaya aliwataka kushiriki katika shughuli za maendeleo ya wilaya. 

 Taraba alisema kuwa wafugaji wana mchango mkubwa katika maendeleo ya wilaya, mkoa na taifa kwa ujumla hivyo wamuunge mkono ili kuwaletea wananchi maendeleo. 

 Aliwaomba kuchangia shughuli za maendeleo hususan katika utengenezaji wa madawati ili yasambazwe katika shule zilizopo wilayani humo ili watoto wasikae chini. Mkuu huyo wa wilaya alisema kuwa Kishapu ina mnada ambao ni wa pili kwa ukubwa nchini kote hivyo wafugaji wautumie kuleta maendeleo ya wilaya na taifa. 

 Hata hivyo, aliwakumbusha kutumia wataalamu katika kuboresha ufugaji wao uwe wa kisasa zaidi yaani kufuga na siyo kuishi na mifugo kama inavyokuwa siku zote.
Wafugaji wakimsikiliza kwa makini Mkuu wa Wilaya ya Kishapu Nyabaganga Taraba alipokuwa akizungumza nao katika kikao cha kujadili maendeleo.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...