THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Kambi tiba ya GSM yaanza kazi Mkoani Iringa, kilele chake kesho

Kambi tiba inayoendeshwa na Taasisi ya Mifupa na upasuaji ya Muhimbili kwa ufadhili wa GSM Foundation inayojaribu kuokoa maisha ya watoto wanaozaliwa na vichwa vikubwa na mgongo wazi leo imeanza kazi Mkoani Iringa, ukiwa ni mkoa wa nne tangu msimu wa pili wa ziara yake ya kuzunguka nchi nzima kuanza.

Kaimu mkuu wa kambi tioba hiyo, Daktari Bingwa Hamis Shaaban kutoka MOI amesema kwamba kumekuwa na hamasa ndogo kwa wazazi kuleta watoto wao kwa ajili ya tiba hii ya bure katika msimu huu, ukilinganisha na msimu wa kwanza ambapo jumla ya watoto 101 walifanyiwa upasuaji,



Katika awamu hii ya pili, mpaka leo hii ni watoto 35 wamefanyiwa, huku ukiwa ni mkoa wa mwisho kwa kambi hii kupita, hali inayoleta ukweli kwamba inaweza kumalizika bila kufikia lengo la kutibu watoto 100 na zaidi kama ilivyokuwa awamu ya kwanza.

Afisa habari wa GSM Foundation, Bw Khalphan Kiwamba, `Kiwadinho', amesema sababu kuu ni wagonjwa kuwa mbali na eneo ambapo tiba inafanyika, na kambi haikuweza kusogea zaidi kwa sababu za kiufundi kwani upasuaji wa watoto hawa unahitaji maabara za kisasa ambazo zinapatikana katika Hospitali za mikoa tu.

Kiwamba kwa upande wake amewaomba wakazi wa iringa kujitahidi kupashana habari ili watoto wengi wapate kupata tiba hii iliyofadhiliwa tayari,

Kambi tiba ya GSM kwa msimu huu wa pili inamalizika Agosti 18 mwaka huu wa 2016, ambapo baada ya tathmini, tarehe za msimu wa tatu zitatangazwa.


Hoja moja imeshachangiwa mpaka sasa.

  1. Anonymous Anasema:

    Ongeza matangazo ikiwemo radio na kushirikisha uongozi wa vijiji ili huduma hii iwafikie wenye mahitaji ili wapate huduma hii.