THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MBUNGE ULEGA ASHIRIKI KUHAMASISHA WANANCHI KUFYATUA MATOFALI KWA AJILI YA UJENZI WA ZAHANATI YA KIJIJI

Mbunge wa Jimbo la Mkuranga Abdallah Ulega ameshiriki na kuhamasisha wananchi wa Kijjji cha kikundi ,kata ya mkamba kufyatua matofali Kwa ajili ya Ujenzi wa Zahanati ya kijiji hicho. 

Akiwa katika eneo la tukio alishirikiana kikamilifu na vijana ,wazee ,na akina mama waliojitokeza Kwa wingi Kwa ajili ya kujitolea,akizungumza katika eneo hilo akiwa sambamba na Diwani wa Kata hiyo Hassan Dunda, mbunge Ulega aliwaeleza wananchi hao kuwa ameshiriki shughuli hiyo ikiwa sehemu ya majukumu yake na ahadi alizotoa Kwa watu wake na kwamba maendeleo ya kijiji cha kikundi na Mkuranga Kwa ujumla yataletwa na wao wenyewe.

Alisema kuwa katika kipindi chake chote cha ubunge atahakikisha anafanya mambo makubwa Kwa ajili ya maendeleo ya wilaya hiyo huku akidai kuwa Mkuranga imechelewa sana lazima wakimbie mbio. Kwa upande wa Wazee wa kijjji hicho wamesema kuwa Ulega ameonesha nia ya dhati mno katika uongozi wake na wanaimani naye sana kwamba atafanya mambo mengi makubwa.

Akizungumza kwa niaba ya Wazee wezake Idrisa Pelete amesema kuwa kuna wabunge wengi wamepita na hawakuweza kufanya lolote lakini Kwa sasa wanaamini wamepata kiongozi wa kweli na hicho ndicho walikuwa wanakihitaji.Pia Kijana aliyejitambulisha kuwa ni shaweji Mohammed akitoa neno la shukrani Kwa mbunge alisema kuwa pamoja na kwamba yeye ni mpinzani lakini kwa kazi kubwa alionesha Mbunge kwakweli wanampenda mno.
 Mbunge wa Jimbo la mkuranga Abdallah Ulega akishiriki kufyatua tofari za  ujenzi wa Zahanati ya Kijiji cha Kikundi kilichopo kata ya Mkamba wilayani Mkuranga,mbali na kushiriki huko pia alichangia viloba vya unga wa sembe,maharagwe,maji ya kunywa kutokana na vijana wa kijiji hicho kuweka kambi ya kufyatua matofali hay oleo mkoani Mpwni.
 Wazee wa kijiji cha Kikundi ,kilichopo kata ya Mkamba wilayani mkuranga  wakiteta jambo na mbunge wa jimbo hilo Abdallah ulega, ambapo pamoja na mambo mengine walimpongeza mbunge huyo kwa kuonesha moyo wa kuitumikia wilaya hiyo nakudai katika wabunge saba waliotangulia haijawahi kutokea katika kile anachofanya Ulega ikiwamo kufanya ziara za vijiji kwa lengo lakuwashukuru.
Vijana wa kijiji cha kikundi ,kata ya mkamba wakiwajibika katika kufyatua matofali ya ujenzi wa Zahanati kijijini hapo ambapo kwa muda mrefu imekuwa kero kubwa hali inayowafanya kusafiri umbali mrefu kufuata huduma hiyo katika kijiji cha kizapala wilayani humo.
(Pichs na Emmanuel Massaka,Globu ya jamii)


Hoja moja imeshachangiwa mpaka sasa.

  1. Anonymous Anasema:

    Kazana viongozi wa ngazi zote tuboreshe huduma na hali ya maisha ya wananchi kwa ujumla. Hakuna sababu ya kutembea mwendo mrefu kutafuta zahanati, hakuna sababu ya kubaki nyuma kimaendeleo tuhamasike tuinue hali ya maisha kwa ujumla

Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...