THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Waziri Ummy Mwalimu aweka jiwe la msingi awamu ya pili ya jengo la hospitali ya Agakhan, aitaka ijenge ingine Dodoma

Serikali imeuomba uongozi Wa Agakhan kujenga hospitali nyingine kubwa katika mkoa Wa Dodoma ili kuendana na agizo la Rais Wa awamu ya tano Dkt.John Magufuli na kuboresha huduma bora za afya Mkoani humo. 
 Akizungumza hayo wakati wa ufunguzi wa awamu ya pili ya jengo la hospitali ya Agakhan Waziri wa Afya, Maendeleo ya Jamii, Jinsia , Wazee na Watoto Mh. Ummy Mwalimu amesema kuwa Agakhan wanatakiwa wajenge hospitali nyingine kubwa mkoani Dodoma ili kueneza Huduma bora za kiafya. 
 "Kutokana na Agizo la Rais Wa awamu ya tano Dkt. John Magufuli la kuhamia Dodoma inabidi na nyinyi mjenge hospitali kule" alisema Mhe. Ummy. Mhe. Ummy ameongeza kuwa kwa kujengwa hospitali hiyo Serikali itakua iokoa shilingi billion 20 mpaka 25 kwa ajili ya wagonjwa kwenda kutibiwa nje ya nchi. 
 Aidha Mhe.Ummy amesema kuwa anaushukuru uongozi Wa Agakhan kwa kuanza kujenga jengo ilo linalogharimu Billioni 112 ili kuondoa kero kwa wagonjwa Wa magonjwa yasioambukiza na kurahisiaha huduma na matibabu bora kwa wagonjwa nchini.
 Mbali na hayo Mwenyekiti wa kamati ya bodi hospitali ya Agakhan Bi. Zahra Aga Khan amesema kuwa wanampango Wa kumaliza jengo hilo kwa ajili ya kutoa Huduma bora za kiafya nchini ili kutokomeza maradhi ya mara kwa mara. 
 "Tuna morali kubwa ya kumalizia jengo hili ili tuweze kuboresha Huduma ya afya nchini kwa kutoa tiba zenye uhakika na za kisasa" alisema Bi Zahra
Waziri wa Afya, Maendeleo ya jamii, Wazee, Jinsia na Watoto Mhe. Ummy Mwalimu wa tatu kulia akitia udongo kwenye kichanja cha nondo kuashiria kuzindua rasmi ujenzi wa awamu ya pili wa jengo la hospitali ya Agakhan katika uzinduzi huo uliofanyika leo jijini Dar es salaam, na wa pili kushoto ni Mwenyekiti wa kamati ya bodi hospitali ya Agakhan Bi. Zahra Aga Khan.


Kuna Maoni 2 mpaka sasa.

  1. Anonymous Anasema:

    ni aibu kwa waziri wa afya kufurahia na kusuppport private companies zikifanya maendeleo wakati kwenye public health sector kuna uozo. vitanda havitoshi, bado wazazi wanalala chini. vijijini hakuna hata hospitali za kutosha. tuache unafiki

  2. Anonymous Anasema:

    Ninatoa maoni haya kwa dhania kuwa habari hi in ya kweli.

    Ninadhani hapa mheshimiwa ana nia njema, yaani kuendana na agizo la Mhe. Mtukufu Rais wetu mwema.
    Jambo mmoja ambalo linaniumiza kichwa lipo katika misingi ya ubinadamu.

    Nalo jambo hilo li katika maswali machache:
    1.Kwa hiyo hospitali zilizoko Dodoma hazifai kwa matibabu ya wanadamu?,

    2. kama zinafaa, kuna mahusiano gani kati ya serikali kuhamia Dodoma na ujenzi wa hospitali kubwa ya Agha Khan??

    3. Je sio kweli kuwa binadamu wote ni sawa?

    4. Hospitali walizokuwa wakitibiwa wanaDodoma ambao ndio wengi hazifai kwa wanaSerikali wachache?

    Kwa namna yoyote IPO hali ya ubinafsi na ubaguzi, hali sote tuna thamani ileile ya UTU (Kumbuka kiapo cha wanaTANU ambacho pia ni msingi wa katiba yetu juu ya UTU na USAWA).

    Sio jambo jema viongozi kujihesabu wao kuwa tofauti na wanadamu wengine, AJIKWEZAYE ATASHUSHWA na MAJIGAMBO, KIBURI VYOTE NI DHAMBI MBELE ZA MUNGU NA WANADAMU.

    Kuiandaa Dodoma na hospitali maalumu kwaajili ya ujio wa wanasiasa ni sawa na kumaanisha:-

    ¹ Hospitali maalumu kwa afya maalum

    ² Watu waishio Dodoma sio watu maalumu na afya zao sio maalum

    ³ WanaSerikali wajao Dodoma ni watu maalum wenye AFYA maalum, UTU wenye thamani kubwa KULIKO WanaDodoma

    ⁴ Ikiwa tafsiri hizo ni sahihi, maana yake ni kuwa suala la AFYA limeingizwa katika UBAGUZI kwa kuwa kama WanaSerikali wangekuwa hawahamii Dodoma, WanaDodoma hawakustahili kuiona hospitali "KUBWA YA AGHA KHAN"

    Maoni yangu haya nimeyatoa kwa nia njema, kama yatatafsiriwa kuchafua hali ya hewa au kuumiza hisia za MTU uwe huru ndg. Bloger kuyafunga au kuyafuta, lakini nimejitahidi kwa uwezo wangu kuzingatia sana mwongozo wako. Yote kwa nia njema.

Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...