THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

DC WA LONGIDO,DANIEL CHONGOLO AMTUMBUA MHASIBU MKUU WA WILAYA HIYO KWA TUHUMA ZA UPOTEVU WA FEDHA MILIONI 84

DC Daniel Chongolo-Longido
MKUU wa Wilaya ya Longido, Daniel Chongolo amemwagiza Mkuu wa Polisi kumkamata na kumfungulia mashtaka Mhasibu Mkuu (DT) wa Halmashauri ya wilaya hiyo mkoani Arusha Issa Mbilu, kwa tuhuma za kuhusika na upotevu wa sh. milioni 84.

Akizungumza juu ya agizo hilo la kukamatwa Mhasibu huyo, Chongolo alisema uamuzi huo unatokana na upotevu wa fedha hizo zilizorudishwa na benki zilizokuwa zilipwe kwa watumishi hewa na wale waliokuwa na matatizo kazini.

"Leo (jana) tulikaa Kamati ya Ulinzi na Usalama ya wilaya ili pamoja na mambo mengine kukamilisha mchakato wa kupitia na kung'amua maendeleo ya kushughulikia tatizo la watumishi hewa. DT tulimwita ili asaidie kutoa maelezo katika eneo hilo.

"Tulipomhoji kuhusu fedha hizo zilizorudishwa na benki na kupaswa kurudishwa Hazina hakuwa na jibu. Nimeagiza polisi na vyombo vingine kufanya uchunguzi ili hatua za kisheria zichukuliwe juu yake,"alisema.

Alisema tayari polisi wanamshikilia Mbilu kutokana na tuhuma hizo na kwamba huenda wiki ijayo akapandishwa kizimbani kujibu tuhuma hizo.

Mkuu wa Wilaya Chongolo aliwaasa watumishi wote wa halmashauri hiyo kuwa makini na fedha za umma kwa kuwa hakuna atakaeonewa haya endapo atabainika kusababisha upotevu au kula fedha za umma.

Alisema yeye ndiye mwenye dhamana ya kusimamia uwajibikaji na nidhamu kwa watumishi wote wa serikali wilayani humo hivyo anataka kila mmoja kuona akitekeleza majukumu yake kikamilifu."Hatutakuwa na simile. Kila mmoja awajibike kwa kuzingatia sheria, utaratibu na maadili ya kazi. Tutakayembaini anakwenda kinyume na hapo tutamuwajibisha,"alisema.

Alisema anataka kuona Longido ikiwa ni miongoni mwa wilaya zinazokimbiliwa na wawekezaji kwenye sekta mbalimbali ikiwemo ya ufugaji kwa kuwa kuna rasilimali nyingi zenye uwezo wa kuinua uchumi wa Arusha na taifa kwa ujumla.

"Endapo kila mtumishi atatekeleza majukumu yake ipasavyo ni wazi wawekezaji watahamasika kuja kuwekeza katika wilaya yetu lakini hawawezi kufanya hivyo kama kutakuwa na matukio ya ajabu ikiwemo utafunaji fedha na urasimu,"alisema.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...