THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

WAZIRI NAPE APOKEA MILIONI KUMI KUTOKA KAMPUNI YA SKOL CONTRACTORS BUILDING LIMITED KUSAIDIA WAATHIRIKA WA TETEMEKO KAGERA.

 Mwenyekiti wa Kampuni ya Skol Building  Contractors Limited Bw.Vincent Massawe (kushoto) akikabidhi Waziri wa Habari,Utamaduni,Sanaa na Michezo Mhe.Nape Moses Nnauye(kulia) kiasi cha Shilingi Milioni Kumi taslimu leo jijini Dar es Salaam kwa ajili ya kusaidia wakazi wa Mkoa wa Kagera waliyoathirika na tetemeko la ardhi liliotokea hivi karibuni.
 Waziri wa Habari,Utamaduni,Sanaa na Michezo Mhe.Nape Moses Nnauye (kulia) akifurahia jambo mara baada ya kupokea msaada wa Shilingi Milioni Kumi uliyotolewa na Kampuni ya SKOL Bulding Contractors Limited  Ofini kwake jijini Dar es Salaam kwa ajili ya  kusaidia waathirika wa tetemeko la ardhi lililotokea Mkoani Kagera hivi Karibuni (Kushoto) ni Bw.Vincent  Massawe kutoka Kampuni hiyo mara baada ya kukabidhi pesa hizo. 

Na Shamimu Nyaki – WHUSM
WAZIRI wa Habari,Utamaduni,Sanaa na Michezo Mhe. Nape Moses Nnauye amepokea  kiasi cha Shilingi Milioni Kumi kutoka  Kampuni ya Skol Building  Contractors Limited. 

Akipokea fedha hizo leo Jijini Dar es Salaam kutoka kwa Mwenyekiti  wa Kampuni hiyo Bw. Vincent Peter Masawe  Waziri  Nnauye amemthibitishia kuwa pesa hizo zitawasilishwa  kwa waathirika wa tetemeko hilo ili zitatue changamoto zinazowakabili.

“Ninashukuru sana kwa msaada wenu mmetambua changamoto wanazopata wenzetu,niwaombe Watanzania wote tuendelee kujitoa kuwasaidia ndugu zetu waliopata maafa haya”.Alisema Mhe.Nnauye.

Aidha Mwenyekiti wa kampuni hiyo Bw.Vincent Peter Masawe amesema Kampuni yao imeguswa na matatizo waliyopata wakazi  hao wa Kagera na ndio maana  wameamua kuwasaidia ili hali zao za maisha zireje kama zamani.

“Tumeamua kuwasaidia wenzetu na tunaomba wafanyabiashara na Watanzania kwa ujumla popote walipo waguswe na jambo hili na waunge mkono Serikali katika juhudi zake za kuwasaidia waathirika wa tetemeko hili”. Aliongeza Bw.Masawe.

Katika hatua nyingine Mhe. Waziri amewakaribisha wananchi wote katika harambee ya kuchangia waathirika hao iliyoandaliwa na Shirika la Utangazaji la Taifa (TBC) itakayofanyika Septemba 21 mwaka huu jioni katika Ukumbi wa Mwalimu Nyerere uliopo Jijini Dar es Salaam


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...