THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MADEREVA WAASWA KUFUATA SHERIA ILI KUPUNGUZA AJALI BARABARANI

Na Zainab Nyamka, Globu ya Jamii

MKUFUNZI na mjumbe wa baraza la Taifa la Usalama Barabarani Nchini, Henry Tandau amewaasa madereva kufuata sheria pale wanapokuwa barabarani, kwani madereva wasiofuata sheria wanachangia asilimia kubwa ya ajali zinazotokea na kusababisha vifo.

Tandau amesema hayo wakati wa semina elekezi ya wanahabari ya namana ya kuandika na kuripoti habari za usalama barabarani inayoratibiwa na Chama cha Wanahabari Wanawake Nchini ( TAMWA) pamoja na taasisi zingine.

"Makosa mengi yanayosababisha ajali ni kutokana na madereva kushindwa au kudharau sheria kama zilivyoelekeza, matokeo yake hupelekea  kuleta maafa kwa jamii hasa baada ya ajali kutokea  pamoja na ulemavu", amesema Bantu.

Sheria namba 30 ya Usalama Barabarani iliyounda Baraza la Usalama Barabarani limekuwa na mapungufu mengi sana huku ikiwa haijaweka wazi sheria madhubuti ya kuhakikisha wanakuwa na nguvu kuwabana madereva pindi wanapofanya makosa huku elimu isiyo toshelezi ni chanzo kikubwa cha ajali kutokea na kusababisha vifo na ulemavu kwa jamii.

Katika njia bora ya udereva, Bantu amesema udereva wa kujihami, fizikia ya dereva na saikolojia ya dereva ni msingi mkubwa unaoweza kuleta manufaa katika jamii kwani atakuwa anaendesha gari kwa umakini na kabla ya kufanya maamuzi ataangalia, atakijadili na kisha kufanya maamuzi.

Dereva mzuri ni yule kabla ya safari hulikagua gari yake na kuhakikisha iko sawa kwa safari kuanzia ndani mpaka nje na pia matumizi sahihi ya matairi kulingana na aina ya sehemu unayoelekea pamoja na mzigo utakaoubeba au uwezo wa gari utaweza kukufikisha safari yako unapokwenda. 
Mkufunzi na mjumbe wa Baraza la Usalama Barabarani Nchini Henry Bantu akielezea jambo mbele ya wanahabari waliohudhuria semina elekezi ya masuala ya Usalama Barabarani na jinsi ya kuandika matukio hayo.

Baadhi ya Washiriki wa semina hiyo wakifuatilia yaliyokuwa yakijiri ukumibi humo