THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MELI YA MV MAPINDUZI II YAREJEA ZANZIBAR

Na Kijakazi Abdalla, 
Maelezo - ZANZIBAR
Serikali ya Mapinduzi ya Zanzibar imetumia kiasi ya dola 90 elfu kuifanyia matengenezo ya kawaida Meli ya MV Mapinduzi ll iliyopelekwa Chelezoni Mombasa.
Akizungumza na waandishi wa Habari Katibu Mkuu wa Wizara ya Ujenzi, Mawasiliano na Usafirishaji  Mustafa Aboud Jumbe mara baada ya kuwasili Bandarini Malindi amesema itaanza safari zake za kawaida za Pemba kuanzia kesho ili kupunguza usumbufu wa usafiri uliojitokeza baada ya kuondoaka meli hiyo. 
Alisema kuwa meli hiyo imefanyiwa matengenezo ya kawaida  na hakuna kitu kilicho badilishwa na baada ya  matengenezo hayo itakuwa  chini ya Mamlaka ya Serikali ya Mapinduzi ya Zanzibar kutoka kwa udhamini wa mtengenezaji.
Hata hivyo Katibu Mkuu Wizara ya Ujenzi, Mawasiliano na Usafirishaji  amesema hivi sasa Serikali imo katika mchakato wa kununua meli nyengine mbili mpya, moja  kwa ajili ya abiria na mizigo na nyengine itakuwa ya mafuta.
Mapema Nahodha wa Meli hiyo Abdulrahman  Mzee amesema matengenezo ya meli yaliyofanyika yamekwenda sambamba na muda uliopangwa na  yamefanywa kwa hali ya ubora kabisa.
Amesema kuwa kufanyika kwa matengenezo ya meli hiyo ni jambo la kawaida kwa chombo chochote cha usafiri jambo linalokipa ubora chombo husika.
Meli ya MV Mapinduzi ll iliondoka Zanzibar  wiki mbili zilizopita kwenda chelezoni  Mombasa na imerejea  Zanzibar leo kupitia  Pemba ikiwa imechukua  abiria 1200 pamoja na mizigo.