THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MKUTANO MKUU WA YANGA KUFANYIKA JUMAPILI, MANJI AWATAKA WANACHAMA KUJITOKEZA KWA WINGI

Na Zainab Nyamka, Globu ya Jamii

MWENYEKITI wa Yanga, Yusuf Manji amewataka wanachama wa klabu hiyo kujitokeza kwa wingi katika mkutano mkuu wa dharula  unaotarajiwa kufanyika Oktoba 23, Jumapili kwenye  Uwanja wa Kaunda Makao makuu ya Jangwani.

Akizungumza na wanahabari, Manji amesema kuwa wanachama wote wajitokeze siku hiyo kwani katika njia mojawapo ya kuijenga Yanga Imara ni wanachama kuchangia katika suala la maendeleo ikiwemo mabadiliko yanayotarajiwa kujitokeza ya kwenda kwenye mfumo mpya wa uendeshaji wa kutoka mikononi mwa wanachama na kwenda kampuni ya Yanga Yetu.

Mkutano huo wa dharula wenye ajenda 13, ikiwemo ya mabadiliko ya uendeshaji  pamoja na hatma ya Mwenyekiti wa klabu hiyo kuendelea na nafasi yake au kujiuzulu umekuwa ukizungumziwa sana katika vyombo vya habari na baadhi ya wanachama kupinga mabadiliko hayo na hata kutaka ajiuzulu nyadhifa yake.

Manji amesema kuwa, kuja kwa wingi kwa wanachama kutasaidia kujadiliana kwa hoja na kupata mapendekezo yao na kulingana na katiba ya Yanga mwanachama ambaye hajalipia ada yake kwa kipindi cha miezi sita anakuwa ameshajifuta uanachama na atatakiwa aende kuomba katika tawi lake.

Akiongelea suala la Uwanja wa mazoezi, Manji amesema kuwa katika makubaliano ya mkataba wao ujenzi wa Uwanja huo utaanza kujengwa ndani ya siku 90 katika eneo la Gezaulole lililopo Kigamboni.

Aidha Manji amesema kuhusu suala la kusainiwa kwa mkataba na bodi ya wadhamini dhidi ya kampuni ya Yanga Yetu kila kitu kitajadiliwa kwenye mkutano huo


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...