THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Wakuu wa Vitengo vya Mawasiliano Serikalini watoa maoni juu ya muswada wa Sheria ya Huduma za Habari.

Baadhi ya Wakuu wa Vitengo vya Mawasiliano Serikalini wametoa maoni juu ya Muswada wa Sheria ya Huduma za Habari ili kuuboresha na kuhakikisha unaleta manufaa kwa waandishi wa habari, vyombo vya habari pamoja na wananchi wa kawaida.

Maoni hayo yametolewa na wakuu hao wakati wakihojiwa na mwandishi wa habari hii katika nyakati tofauti ambapo wengi wameonekana kutoa mawazo chanya yenye kuboresha muswada huo.

Akiongea na mwandishi wa habari hii, Mkuu wa Kitengo cha Mawasiliano cha Wizara ya Habari, Utamaduni, Sanaa na Michezo, Zawadi Msalla amesema kuwa sheria hiyo inatoa mwanya mkubwa kwa kada hiyo kuwa taaluma inayoheshimika kama zingine kwa sababu baada ya Muswada huo kuwa sheria, kada hiyo itakuwa na chombo kitakachowasimamia wanahabari.

“Uanzishwaji wa Baraza huru la Habari ambalo ni moja ya kitu kilichoainishwa na Sera ya Habari na Utangazaji ya mwaka 2003 iliyoitaka Serikali kuanzisha chombo huru kitakachosimamia masuala ya habari hivyo, Muswada huu utakapokuwa Sheria utakuwa umetekeleza agizo la Serikali la kuanzisha chombo huru kitakachosimamia masuala hayo”, alisema Msalla.

Ameongeza kuwa sheria hii italeta uhuru wa vyombo vya habari kwani kwa sasa mmiliki asiporidhishwa na maamuzi ya kutopewa leseni anakata rufaa inayoishia kwa waziri mwenye dhamana lakini baadae mmiliki wa chombo cha habari asiporidhishwa na maamuzi ya Mhe.waziri ana uwezo wa kwenda mahakamani.

Naye Mkuu wa Kitengo cha Mawasiliano Ofisi ya Mkoa wa Morogoro, Andrew Chimeselaamekubaliana na uamuzi wa kuundwa kwa Bodi ya Ithibati kwa sababu bodi hiyo itakua katikati kuangalia maslahi ya wana tasnia pamoja na kudhibiti nidhamu na maadili yanayokwenda sambamba na tasnia hiyo ili kusiwepo na dharau kwa tasnia hiyo.

Kwa upande wake Mkuu wa Kitengo cha Mawasiliano cha Halmashauri ya Wilaya ya Serengeti, Englibert Kayombo ameunga mkono uanzishwaji wa Bodi ya Ithibati kwa sababu itasaidia kutambua wanahabari wenye taaluma halisi katika tasnia ya habari.

“Binafsi naunga mkono jitihada zinazofanywa na wizara kurasimisha tasnia hii ya habari ili iwe na hadhi sawa na tasnia zingine hivyo ni vyema kusimamia kazi za waandishi wa habari na kuwaongoza wanahabari katika kutoa habari zenye mtazamo chanya utakaojenga taifa letu”, alisema Kayombo.

Kwa upande wake Mkuu wa Kitengo cha Mawasiliano Mfuko wa Taifa wa Bima ya Afya (NHIF), Luhende Singu amesema kuwa sheria hiyo itavifanya vyombo vya habari kuajiri watu wenye taaluma ya habari tofauti na ilivyo sasa pia wananchi watarajie kupata habari za ukweli na uhakika.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...