THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

BALOZI SEIF ALI IDDI AIPIGA JEKI TAASISI YA KUMBUKUMBU YA SITI BINT SAAD

Makamu wa Pili wa Rais wa Zanzibar Balozi Seif Ali Iddi kulia akimkabidhi mchango wa shilingi Milioni 3,000,000/- Msaidizi Katibu wa Taasisi ya Kumbu kumbu ya Siti Binti Saad Bwana Mohammed Suleiman Omar hapo Ofisini kwake ndani ya Jengo la Baraza la Wawakilishi Mbweni nje kidogo ya Mji wa Zanzibar.

Ahadi hiyo aliitoa wakati wa hafla maalum ya kuichangia Taasisi ya Kumbukumbu ya Siti Binti Saad iliyofanyika kwenye Hoteli ya Park Hyatt Mjini Zanzibar miezi Miwili iliyopita ambapo Mgeni Rasmi alikuwa Rais wa Zanzibar na Mwenyekiti wa Baraza la Mapinduzi Dr. Ali Mohammed Shein.Picha na – OMPR –ZNZ.


Makamu wa Pili wa Rais wa Zanzibar Balozi Seif Ali Iddi alisema Visiwa vya Zanzibar vitaendelea kupata heshima Kimataifa kadri siku zinavyoaidi kuyoyoma katika Nyanja ya sanaa na utamaduni kufuatia kazi kubwa iliyokuwa ikifanywa na Msanii mkongwe wa Visiwa hivi marehemu Sidi Binti Saad.

Alisema Mchango wa Siti Binti Saad enzi zake kupitia Taarab asilia umeweza kuleta faraja kwa wapenzi wa Muziki huo katika kudumisha Utamaduni wa Kiafrika ndani ya Mwambao wa Afrika Mashariki, Nchi za Ghuba pamoja na baadhi ya Mataifa ya Bara la Asia.

Balozi Seif Ali Iddi alitoa nasaha hizo wakati wa kukabidhi mchango wa shilingi Milioni 3,000,000/- alizoahidi kutoa wakati wa hafla maalum ya kuichangia Taasisi ya Kumbukumbu ya Siti Binti Saad iliyofanyika kwenye Hoteli ya Park Hyatt Mjini Zanzibar miezi Miwili iliyopita ambapo Mgeni Rasmi alikuwa Rais wa Zanzibar na Mwenyekiti wa Baraza la Mapinduzi Dr. Ali Mohammed Shein.

Alisema jitihada zilizochukuliwa na Taasisi ya Kumbu kumbu ya Siti Binti Saad ya katika azma ya kutaka kumuenzi Mwanamuziki huyo Nguli Afrika Mashairiki na Bara la Asia inafaa kuungwa mkono na wapenzi wote wa fani hiyo iwe ndani au nje ya Nchi.

Akipokea mchango huo wa Balozi Seif Msaidizi Katibu wa Taasisi ya Kumbu kumbu ya Siti Binti Saad Bwana Mohammed Suleiman Omar alimshukuru kiongozi huyo kwa kutekeleza ahadi aliyotoa kiasi kwamba imeleta faraja kwa Uongozi wa Taasisi hiyo.

Bwana Mohammed alisema katika kuthamini michango ya watoa ahadi Taasisi hiyo imeamua kutoa cheti Maalum kwa wachangiaji hao ili iwe kumbu kumbu nzuri kwao na vizazi vyao kutokana na kuunga mkono jambo hilo muhimu.

Othman Khamis Ame
Ofisi ya Makamu wa Pili wa Rais wa Zanzibar