DARWIN YASAIDIA KUWATAFUTIA VIJANA ELIMU YA JUU NJE YA NCHI

Na Dacpopo wa Globu ya jamii,

Katika harakati za Taasisi zisizo za kiserekari za kusaidia vijana kuweza kupata Elimu ili kujeng Maisha yao ya baadaye, Taasisi ijulikanayo kwa jina la Darwin imesaidia vijana wapatao 50 kupata Elimu ya vyuo vya juu nje ya nchi.

Taasisi hiyo iliyoanzishwa miezi 6 iliyopita imefanikisha kuwapatia vijana hao kupata elimu hiyo katika nchi za China,India,Malaysia,Canada na Australia.

Akieleza hayo katika hafla fupi ya kuwaaga baadhi ya vijana kwenye uwaja wa ndege wa Kimataifa wa Julius Nyerere jijini Dar es Salaam leo,mkurugenzi wa taasisi hiyo,Makungu Malando amesema taasisi yake inatambuliwa na T.C.U na inasaidia vijana kupata visa,malazi,usafiri na scholarship.

Naye mmoja wa wazazi ambaye mtoto wke amebahatika kupata nafasi hiyo  Hamis Suleimani,amesema kuwa anaishukuru Darwin kwa kufanikisha safari hiyo kwa kijana wake na kusisitiza kuwa taasisi hiyo inaangalia zaidi ubora wa vyuo wanavyo watafutia nafasi vijana wa kitanzania mwezi huu.

 Mkurugenzi wataasisi ya Darwin,Makungu Joseph Malando akizungumza katika hafla ya kuwaaga vijana wanaokwenda kujiunga na vyuo vikuu nje ya nchi kwenye uwanja wa ndege jijini Dar es salaam leo.

 Mzee,Hamis Suleiman ambaye ni mzazi wa mmoja wa vijana wanaokwenda kusoma katika moja ya vyuo vikuu nje ya nchi akiongea katika hafla ya kuwaaga vijana wanaokwenda kujiunga na vyuo vikuu nje ya nchi kwenye uwanja wa ndege jijini Dar es salaam leo.

Mkurugenzi wataasisi ya Darwin,Makungu Joseph Malando akiwa katika picha ya pamoja na wazazi na baadhi ya vijana wanaokwenda masomoni nje ya nchi katika hafla ya kuwaaga vijana wanaokwenda kujiunga na vyuo vikuu nje ya nchi kwenye uwanja wa ndege jijini Dar es salaam leo.picha zote na Emmanuel Massaka,Globu ya jamii