THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

DKT. MGWATU AAGIZA UKARABATI WA MASHINE ZA KUCHONGA VYUMA TEMESA MBEYA

Na Theresaia Mwami TEMESA Mbeya

Mtendaji Mkuu wa Wakala wa Ufundi na Umeme TEMESA Dkt. Mussa Mgwatu amemuagiza Meneja wa TEMESA Mbeya Mhandisi Charles Irege kuhakikisha kuwa Mashine zote zilizo kwenye karakana ya kuchonga vyuma zinafanyiwa ukarabati ndani ya miezi miwili ili kuongeza uzalishaji.

Dkt. Mgwatu ameyasema hayo alipotembelea Karakana ya TEMESA iliyopo Jijini Mbeya na kukuta mashine nyingi za uchongaji vyuma ni mbovu na hazifanyi kazi.“Mnakosa fursa nyingi za kuongeza mapato kwa kushindwa kutengeneza vipuri mbali mbali vya wateja wakati huu ambapo Jiji la Mbeya linakuwa kwa kasi kiuchumi” Alisema Dkt. 

Dkt. Mgwatu ameongeza kuwa atafuatilia kwa ukaribu kuona kwamba mashine hizo za kuchonga vyuma zinafanyiwa ukarabati na kuanza kufanya kazi ipasavyo.

Katika hatua nyingine Dkt. Mgwatu amemtaka Mhandisi Irege kusimamia vyema kitengo cha ukodishaji mitambo kilichopo kituoni hapo, kutunza kumbukumbu sahihi za mapato na matumizi yatokanayo na ukodishaji mitambo na kuzuia mianya ya uvujishaji wa mapato ili kukuza pato la TEMESA Mbeya.

Mtendaji Mkuu wa Wakala wa Ufundi TEMESA yupo katika ziara ya nyanda za juu Kusini kutembelea na kukagua vituo vya TEMESA hicho ili kujionea changamoto na utendaji kazi.
Meneja wa Wakala wa Ufundi na Umeme TEMESA Mbeya Mhandisi Charles Irege (kushoto) akimuonyesha Mtendaji Mkuu wa TEMESA Dkt. Mussa Mgwatu (Kulia)mojawapo ya mashine ya uchongaji vyuma iliyo katika karakana ambayo inahitaji ukarabati. Picha na Theresia Mwami TEMESA Mbeya.
Mtendaji Mkuu wa Wakala wa Ufundi na Umeme – TEMESA Dkt. Mussa Mgwatu (kushoto) akitoa maagizo ya namna ya kuboresha huduma za ukodishaji mitambo kwa Meneja wa TEMESA Mbeya Mhandisi Charles Irege (kulia), alipotembelea kituoni hapo.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...