THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

JOSEPH MUNGAI KUAGWA KESHO VIWANJA VYA KARIMJEE JIJINI DAR

Na Zainab Nyamka, Globu ya Jamii

MWILI  wa aliyekuwa Waziri  Mwandamizi Mstaafu Joseph Mungai unatarajiwa kuagwa kesho katika Viwanja vya Karimjee majira ya saa tano asubuhi  na kisha kusafirishwa kuelekea Mafinga wilaya ya Mufindi mkoa wa Iringa kwa ajili ya mazishi.

Mungai  aliyezaliwa Oktoba 24,1943 alifariki dunia baada ya kuugua kwa muda mfupi  aliwahi kuwa Mbunge wa Mufindi kupitia CCM kwa kipindi cha  miaka 35 na kufanikiwa kushika nyadhifa mbalimbali serikalini enzi za utawala wa Hayati Baba wa Taifa, Mwalimu Julius Nyerere na pia katika awamu ya pili, tatu .

Baadhi ya nyadhifa alizowahi kushika kwa nyakati tofauti ni uwaziri wa iliyokuwa Wizara ya Elimu na Utamaduni, Waziri wa Kilimo na Maendeleo ya Mifugo na Waziri wa Mambo ya Ndani ya Nchi.

Mwanasiasa mkongwe Chrisant Mzindakaya amesema kuwa wataendelea kumkumbuka Mungai kwani moja ya wanasiasa waliokuwa na msimamo na aliweza kufanya mageuzi katika wizara alizokuwa anafanyia kazi  hususani wizara ya Kilimo na pia hakuwa na kusubiri kesho kama kuna jambo analoweza kulifanya leo hawezi kusubiri kesho.

Mtoto wa tatu wa marehemu,William Mungai amesema kuwa baada ya utaratibu wa kuaga mwili wa marehemu pale Karimjee watasafiri kuelekea Mkoani Iringa kwa ajili ya mazishi yanayitarajiwa kufanyika Jumamosi majira ya saa nane mchana.