THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MANISPAA YA ILALA KUIBURUZA MAHAKAMANI KAMPUNI YA TAMBAZA.

Na Emmanuel Masaka, Globu ya Jamii
HALMASHAURI ya Manispaa ya Ilala imeamua kuishtaki kampuni ya udalali ya TAMBAZA kwa jeshi la Polisi kutokaana na kuingilia mamlaka ya ukusanyaji wa mapato ya Halmashauri ya Wilaya Ilala.


Hayo yamesemwa na Naibu Meya wa Manispaa hiyo ,Omar Kumbilamoto alipokuwa akizungumza na waandishi wa habari mara baada ya kupokea malalamiko kutoka kwa wafanyabiashara ambao ni wawekezaji kutoka nchi mbalimbali.

"Kampuni hii imetutia hasara ya kuweza kupungua kwa mapato kutoka million tatu hadi milioni moja kwa siku jambo ambalo linaturudisha nyuma katika kusukuma gurudumu la maendeleo kutokana na mzigo mkubwa tulionao wa kuhudumia wananchi"amesema Kumbilamoto.

Amesema wawekezaji kwa sasa wamekuwa hawana amani kutokana na hali halisi inayofanywa na kampuni hiyo kuwazuia wasipakue mizigo yao na kuwataka walipe tena licha ya kuwaonesha risiti ya malipo kutoka kwa halmashauri.


Ameongeza kuwa,Halmashauri ndio yenye dhamana ya kuweza kuwashugulikia changamoto mbali mbali zinazowakabili wananchi pamoja na kuwatatulia kero mbalimbali ikiwemo kukarabati barabara,kuzoa taka,kutoa huduma nzuri Hospitalini,kulipa walimu na sio kutoka halmashauri ya Jiji.

Kwa upande wake Ofisa Afya wa manispaa hiyo kitengo cha usafirishaji Cosmas Mwatete amesema,ni jambo la kusikitisha sana kitendo kinachofanywa na kampuni hiyo kwani wanavuruga mwaliko wa Rais kutoka kwa wawekezaji ambao wanaingia nchini.

 Naibu Meya wa Manispaa ya Ilala, Omary Kumbilamoto akizungumza na waandishi wa habari juu ya Kampuni ya Tambaza kukamata kontena zinazoingia manispaa ya Ilala leo jijini Dar es Salaam , Kushoto ni Afisa Msaidizi wa Masoko Manispaa ya Ilala, Cosmas Mwaitete
Afisa Msaidizi wa Masoko Manispaa ya Ilala, Cosmas Mwaitete akizungumza na waandishi wa habari juu ya Kampuni ya Tambaza kukamata kontena zinazoingia manispaa ya Ilala leo jijini Dar es Salaam,Kulia ni Naibu Meya wa Manispaa ya Ilala, Omary Kumbilamoto.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...