THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Mkuu wa wilaya ya Tunduma Mhe Juma Irando akutana na wafanyabiashara

Na Saimeni Mgalula,Songwe
WAFANYA BIASHARA katika Mji wa Tunduma uliopo wilaya ya Momba mkoani hapa wamemueleza mkuu wa wilaya hiyo Mhe. Juma Irando juu ya changamoto  zilijitokeza baada ya wadau hao wa maendeleo ya kijamii na vikundi mbalimbali vya kijamiii kukutana naye kwa  lengo la kusikiliza changamoto zinazowakabili pamoja na kujadili nao juu ya ushirikishwaji wao katika utatuzi wa changamoto hizo.
Changamoto waliyoitaja ni maji  na upatikanaji wake. Walisema mji wa Tunduma hauna mfumo wa upatikanaji wa maji hivyo hulazimika kutegemia maji ya visima. Walitaja pia suala la kodi ya mapato wanazotozwa wakipeleka lawama zao kwa maofisa wa ukusanyaji wa mapato.
Pia wamiliki wa mahoteli na nyumba za kulala wageni walilalamikia suala la ukaguzi wa wateja wao linalofanywa mara kwa mara na vyombo vya ulinzi na usalama, Walisema hoteli moja inaweza kukaguliwa mara tano na vyombo vya ulinzi tofauti  na kuonekana kuwa ni usumbufu kwa wateja.
''Pia wafanyabiashara tunanyanyaswa kwa kukamatwa kwa biashara zinazovushwa mpakani mwa Tanzania na Zambia upande wa tanzania wakati wenzetu wa upande wa zambia huachiwa'', walisema
 MKurugenzi wa halmashauri ya mjiwa Tunduma Bw. Valery Kwembe aliwaambia wafanya biashara hao kuwa suala la maji linafanyiwa kazi na tayari kuna mradi wa maji umeanza kutekelezwa ambao utakuwa ni suhilisho kwa wakazi wa Tunduma.
Pia mkuu wa kituo cha polisi cha tunduma OCS Kakoti aliwatoa hofu wafanyabiashara hao kuwa kwa wale wanaofuata sheria na taratibu huwa hawakamatwi lakini kwa wasio fuata sheria huchukulia hatua na kupewa maelekezo.
''Wafanya biashara naombeni kila mmoja anapovuka katika mpaka huo kuhakikisha kuwa wanakuwa na risiti halali za mizigo pindi wanapovuka mpaka au kusafirisha bidhaa zao''alisema OCS Kakoti.
Mkuu  wa wilaya Mhe Juma Irando alimalizia kwa kusema kuwa changamoto hizo ameshazipata na atahakikisha kuwa anazifanyia kazi kwa wakati. 
"Hii ni  kuhakikisha kuwa hakuna ambae anaonewa ili tuweza kuwa wamoja katika suala la kuhakikisha kuwa amani inakuwepo katika mji wetu kama hivi sasa.
''Naomba wafanya biashara na watu wengine kuhakikisha kuwa tunashikamana kwa kuleta maendeleo katika wilaya yetu ili iweze kusonga mbele hasa na sio kwa kutumia nguvu. Tunafanya kama hivi leo panapo kuwa na tatizo'', alisema DC.
  Wafanyabiashara katika Mji wa Tunduma katika mkutano na Mkuu  wa wilaya ya Tunduma Mhe Juma Irando na viongozi wengine wa wilaya

Mkuu  wa wilaya ya Tunduma Mhe Juma Irando akiongea katika mkutano huo


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...