THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MTENDAJI MKUU TEMESA AAGIZA KUTUMIKA KWA WATAALAMU KUTOKA VYUO VYA VETA.

Na Theresia Mwami TEMESA Katavi.

Mtendaji Mkuu wa Wakala wa Ufundi na Umeme TEMESA Dkt. Mussa Mgwatu amemuagiza Meneja wa TEMESA Katavi Mhandisi Sunday Kyungai kuwatumia wataalamu waliohitimu katika chuo cha VETA kilichoko Mpanda ili kukabiliana na changamoto ya uhaba wa mafundi katika kituo hicho.

Dk Mgwatu ametoa agizo hilo alipotembelea Kituo cha TEMESA Mkoani Katavi na kujione utendaji kazi wa kituo hicho.“Nakuagiza Meneja katika kuajiri wataalamu mzingatie wataalam hasa wale waliohitimu kutoka Vyuo vya VETA nchini” alisisitiza Dk Mgwatu.

Dkt Mgwatu ameongeza kuwa vituo vya wakala huyo vinatakiwa kuwa wabunifu katika kutatua matatizo mbalimbali badala ya kutegemea kila kitu kutoka Makao Makuu ya TEMESA.Aidha Dkt. Mgwatu amemuagiza Mhandisi Kyungai kuwasilisha kwake mpango wa kujenga karakana mpya kwenye eneo jipya la TEMESA lililopo Katavi katika mji wa Mpanda.

Kwa upande wake Meneja wa TEMESA Katavi Mhandisi Sunday Kyungai amemuhakikishia Mtendaji Mkuu kuwa watazingatia kuajiri watumishi wa TEMESA katika kituo cha Katavi kwa kuzingatia agizo alilolitoa la kupata wataalamu kutoka vyuo vya VETA nchini.

Mtendaji Mkuu wa Wakala wa Ufundi na Umeme TEMESA Dkt. Mussa Mgwatu yuko katika ziara ya kikazi katika vituo vya TEMESA Nyanda za Juu Kusini kutembelea na kukagua vituo hivyo ili kujionea changamoto mbalimbali pamoja na utendaji kazi wake.
 
Mtendaji Mkuu wa Wakala wa Ufundi na Umeme – TEMESA Dkt. Mussa Mgwatu (kulia) akizungumza na Meneja wa TEMESA Katavi Mhandisi Sunday Kyungai (kushoto), alipotembelea kituoni hapo.Picha na Theresia Mwami TEMESA Katavi.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...