THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MUHIMBILI KUANZA UCHUNGUZI NA KUTOA TIBA YA UGONJWA WA HOMA YA INI


  Daktari Bingwa wa Magonjwa ya Homa ya Ini na Matumbo wa Hospitali ya Taifa Muhimbili (MNH), Dk John Lwegasha akizungumza na waandishi wa habari leo kuhusu kuanza kwa uchunguzi na tiba ya homa ya INI (Hepatitis B) katika hospitali hiyo. Kulia ni Mkurugenzi wa Huduma za Tiba, Dk Hedwiga Swani na Dk Eva Owisso wa Muhimbili wakifuatilia mkutano huo.
 Mkurugenzi wa Huduma za Tiba, Dk Hedwiga Swai akifafanua jambo kwenye mkutano huo leo.
“Hatua hiyo kuifanya Tanzania kuwa nchi ya pili Ukanda wa Afrika Mashariki katika udhibiti na tiba ya ugonjwa huo”
Hospitali ya Taifa Muhimbili  (MNH), Disemba Mosi mwaka huu inatarajia kuanza kufanya uchunguzi wa Virusi vya Homa ya Ini (Hepatitis B) na kutoa tiba bure ya  ugonjwa huo kwa kutumia dawa ya Tenofovir na hivyo kuifanya Tanzania kuwa nchi ya pili Ukanda wa Afrika Mashariki baada ya Rwanda katika udhibiti na kutoa tiba ya ugonjwa huo.

Akizungumza na waandishi wa habari leo jijini Dar es Salaam, Daktari Bingwa wa Magonjwa ya Ini na Matumbo, John Lwegasha amesema ni wakati muafaka wa watu kujitokeza na kupima afya zao kwa ujumla na kwa wale waliothirika na ugonjwa huo wajitokeze ili kufanyiwa uchunguzi zaidi na kupata nafasi ya tiba kulingana na miongozo ya tiba inavyoelekeza.

“Utaratibu mwingine wa uchangiaji wa gharama za matibabu katika maeneo mengine ya uchunguzi na tiba ikiwa ni pamoja na uchangiaji wa gharama za kumuona Daktari utabaki kama ulivyo,” amesema Dk. Lwegasha.

Tatizo la ugonjwa huo Tanzania, kwa mujibu wa Dk . Lwegasha inakadiriwa kuwa watu wanane kati ya watu mia moja wana maambukizi ya ugonjwa huo na kwamba kiwango hicho ni kikubwa zaidi ya kile kinachokadiriwa kwenye maambukizi ya Ukimwi kitaifa ambacho ni asilimia pungufu ya sita.
“Katika Hospitali ya Taifa Muhimbili asilimia 60 ya wagonjwa wanaokutwa na Saratani ya Ini mara nyingi imetokana na maambukizi ya virusi hivyo,” amesema Dk. Lwegasha.

Kuhusu tiba amesema kama ilivyo kwa ugonjwa wa Ukimwi , ugonjwa huo sugu wa Homa ya Ini hauna tiba ya kuponya isipokua dawa zilizopatikana hadi sasa zinaweza kupunguza kasi ya maambukizi mwilini na kuzuia madhara kwenye Ini.

Ugonjwa wa Homa ya Ini ( Hepatitis) unasababishwa na Virusi viitwavyo Hepatitis B na maambukizi yaugonjwa huo yanashahabiana na njia ya maambukizi ya ugonjwa wa Ukimwi kama vile kufanya ngono zisizo salama , kuchangia sindano au vikatio, kupewa damu isiyopimwa , kupitia uzazi wa mama na mtoto hasa wakati wa kujifungua.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...