THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Muhimbili Yafanya Upasuaji kwa Wagonjwa Mbalimbali

Hospitali ya Taifa Muhimbili (MNH) leo imeanza kambi maalumu ya upasuaji kwa watu wenye matatizo mbalimbali na watu zaidi ya wanane wanatarajiwa kufanyiwa upasuaji.

Upasuaji huo ambao unahusisha watu wazima na watoto unafanywa kwa ushirikiano kati ya Muhimbili, Tanzania Australia Society na Rafiki Surgical Mission.Timu ya madaktari wa MNH wanafanya upasuaji huo kwa kushirikiana na watalaam hao ambao waliwasili nchini Novemba 19, 2016 kwa ajili ya kushiriki shughuli hiyo.

Watalaam hao wanne akiwamo daktari bingwa wa upasuaji, Dk. James Savundra jana walikutana na watalaam wa MNH wakingozwa na Dk Bingwa wa upasuaji Muhimbili, Edwin Mrema wamewafanyia uchunguzi wagonjwa na kuzungumza nao kabla ya shughuli hiyo kuanza.

Kwa mujibu wa Dk Mrema lengo ni kutoa huduma, kubadilishana uzoefu na kuwajengea uwezo wataalamu wa ndani.Leo wataalam hao wanatarajia kuwafanyia upasuaji wagonjwa watatu akiwamo mgonjwa aliyeathirika mkono wake baada ya kupata ajali ya moto.Upasuaji huo unahusisha wagonjwa wenye matatizo mbalimbali ikiwamo walioathirika baada kuungua na moto, ajali na wenye uvimbe.
Dk Edwin Mrema (kushoto) wa Muhimbili na Dk. James Savundra kutoka Australia wakifanya upasuaji kwa mmoja wa wagonjwa leo. Kulia ni Sister Akiyo akishiriki katika shughuli hiyo. Mgonjwa huyo amefanyiwa upasuaji wa mkono baada ya kupata ajali ya moto.
Daktari bingwa, John Masago (kushoto) na Raymond Nkya (katikati) wote wa Muhimbili wakifanya upasuaji wa shingo kwa mmoja wa wagonjwa kwa kushirikiana na daktari bingwa kutoka Marekani, Mark Zafereo. Upasuaji huo unaofahamika kama RT MASTOIDECTOMY.
Dk Mawala Shabani (kulia) kutoka MNH akishirikiana na Dk Richard Wagner (kushoto) kutoka Marekani wakifanya upasuaji wa sikio kwa mmoja wa wagonjwa Leo. Upasuaji huo unafahamika RT MASTOIDECTOMY.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...