THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

Ndege Iliyobeba Wanasoka wa Brazil Yaanguka Colombia, Yaua 76, Watano Wanusurika

NDEGE iliyokuwa imebeba watu 81, wafanyakazi tisa na abiria 72 ikiwemo timu ya soka ya klabu ya Chapecoense ya Brazil imeanguka katika sehemu ya milima nchini Colombia wakati inakaribia Mji wa Medellin na kuua watu 76 huku watano pekee wakinusurika.
Ndege hiyo ya kukodisha iliyokuwa ikitokea Bolivia, ilikuwa na timu ya soka ambayo ilikuwa icheze katika fainali ya Kombe la Amerika ya Kusini dhidi ya timu ya Atletico Nacional ya Medellin. Hivyo, fainali hiyo imeahirishwa.
Ripoti zinasema ndege hiyo yenye leseni namba CP 2933, ilianguka saa 4:15 jana usiku baada ya kupata hitilafu katika mfumo wake wa umeme na ilielezewa na Meya wa Medellin, Federico Gutierrez, kama “janga kubwa”, huku akiongeza kwamba inawezekana kuna watu walionusurika.
Imeelezwa kuwa baada ya ajali ndege hiyo ilivunjika katika vipande viwili na kupelekea vifo vya watu 76 huku watano pekee wakinusurika wakiwemo wachezaji watatu wa Chapecoense ambao ni beki Alan Ruschel, makipa Danilo Padilha na Jacson Follmann pamoja na abiria wengine wawili Rafael Correa Gobbato na Ximena Suarez.
Baadhi ya picha zilizowekwa mitandaoni zinawaonyesha wachezaji ambao hawakusafiri na timu hiyo wakiwa na simanzi katika vyumba vya kubadili nguo.

 Kabla ya kuanza safari timu hiyo ilipiga picha hizi.
 Kabla ya kuanza safari timu hiyo ilipiga picha hizi.

Wachezaji ambao hawakusafiri na timu hiyo wakiwa na simanzi katika vyumba vya kubadili nguo


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...