THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

SEKTA BINAFSI WATAKIWA KUWA NA UELEWA WA VIWANGO NA MIONGOZO YA TEHAMA

Na Beatrice Lyimo-MAELEZO

SERIKALI kupitia Wakala ya Serikali Mtandao (e-GA) imetoa wito kwa taasisi za Sekta binafsi wanaojishughulisha na utoaji wa huduma za TEHAMA na ujenzi wa mifumo ya TEHAMA kujenga uelewa wa viwango na miongozo ya TEHAMA ili kuisaidia Serikali.

Hayo yamesemwa leo jijini Dar es Salaam na Mkurugenzi wa Udhibiti wa Huduma za Serikali Mtandao, Michael Moshiro wakati wa mafunzo kwa waandishi wa habari yaliolenga kujenga uwezo kwa waandishi hao kuhusu utekelezaji wa Serikali mtandao nchini na ufafanuzi wa miongozo na viwango vya TEHAMA Serikalini.

“Nitoe rai kwa sekta binafsi hasa kwa wale wanaojihusisha na utoaji wa huduma za TEHAMA na ujenzi wa mifumo ya TEHAMA ni vema wawe na uelewa wa viwango na miongozo ili kuweza kuisaidia Serikali” alifafanua Moshiro

Alisema Serikali imeanza kutumia miongozo na viwango ya TEHAMA hivyo ni muhimu kwa wataalamu wa TEHAMA wanaotaka kufanya kazi na Serikali kuanza kujenga mifumo inayozingatia viwango hivyo.

Aidha, alisema kuwa miongozo na viwango ya TEHAMA Serikalini ina lengo la kusaidia Serikali katika kutumia TEHAMA kwa usahihi katika kuhakikisha utendaji kazi wa Serikali unaboreshwa na utoaji wa huduma kwa wananchi unarahisishwa.

Aidha Moshiro alisema kumekuwa na faida mbalimbali za uwepo wa matumizi ya miongozo na viwango hivyo katika kutekeleza miradi mbalimbali ya TEHAMA ikiwemo kuwezesha mifumo kujengwa kwa kuzingatia mahitaji halisi ya taasisi husika na Serikali kwa ujumla.

Kwa mujibu wa Moshiro alisema Serikali pia imefanya jitihada za kuhakikisha uwepo wa Sera, sheria, miongozo na mikakati madhubuti inayotumika katika utekelezaji wa jitihada za Serikali mtandao.