THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

WADAU WA SOKO LA PAMOJA LA AFRIKA MASHARIKI (E.A COMMON MARKET) WAKUTANA KUJADILI MASUALA MBALIMBALI YA SOKO HILO

Na Antony John,Globu ya Jamii.

Wadau wa Soko la Pamoja la Afrika Mashariki wamefanya mkutano leo Jijini Dar es salaam wakishirikiana na Taasisi ya Sekta Binafsi Nchini (TPSF) ili kujadili utekelezaji wa Soko hilo.
 

Akizungumza katika Mkutano huo,Mkurugenzi wa Huduma kwa Wanachama wa TPSF,Louis Accaro amesema Afrika Mashariki ina Nchi sita zilizokubaliana kuwepo na soko la pamoja lengo likiwa ni kuondoa vikwazo vya kibiashara.

"Katika utekelezaji wa soko hili,hasa kuangalia vikwazo ambavyo vinazuia biashara isifanyike mfano kutoa mzigo kutoka nchi moja hadi nyingine na vikwazo vingine vya kibiashara",amesema Accaro.

Pia Mtaalamu wa Huduma za biashara wa Soko hilo la pamoja,Octavian Kinyiro amesema kuwa tukiondoa vikwazo mbalimbali vya kibiashara kwa Jumuiya ya Afrika Mashariki,watu wengi watakuja kufanya biashara katika Soko hili.

"Zamani watanzania walikuwa hawaruhusiwi kuwekeza nchi nyingine, sheria zetu zilikuwa haziruhusu lakini kwa sasa zimeondolewa ili wapate fursa zakuwekeza nje ya nchi",amesema Kinyiro.

Mkurugenzi wa Huduma kwa Wanachama wa TPSF,Louis Accaro akizungumza na Waandishi wa Habari juu ya kukutana pamoja na wadau mbalimbali kujadili utekelezaji wa Soko la pamoja Afrika Mashariki.
Wadau wa Sekta ya Biashara,Uwekezaji wakiwa katika Mkutano huo wa kujadili masuala mbali mbali ya Soko la pamoja la Afrika Mashariki.
Mtaalamu wa Huduma za biashara wa Soko hilo la pamoja,Octavian Kinyiro akitoa tathmini ya Huduma za Biashara katika Idara ya Biashara,Uwekezaji na Sekta za Uzalishaji katika Wizara ya Mambo ya Nje na Ushirikiano wa Afrika Mashariki.