THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

YANGA YAIADHIBU RUVU SHOOTING UWANJA WA UHURU LEO, YASHINDA BAO 2-1

MABINGWA watetezi wa ligi kuu ya Vodacom Tanzania bara, Yanga leo wameendeleza ubabe wao baada ya kuwadidimiza Maafande wa Ruvu Shooting goli 2-1 na kufikia alama 33 nyuma ya mahasimu wao Simba wenye alama 35.

Dakika ya 6 ya mchezo, Ruvu walianza kufungua pazia la magoli kupitia kwa mshambuliaji wake Abraham Mussa baada ya kufanya shambulio la kushtukiza langoni kwa Yanga.

Yanga walianza kulisakama lango la Ruvu shooting na katika dakika ya 32, Simon Msuva akaisawazishia timu yake goli na kufanya matokeo kuwa 1-1 mpaka mapumziko.

Kabla ya kipindi cha pili kuanza kocha wa Yanga, Hans Van De Pluijm anatolewa nje kwa amri ya mwamuzi wa mchezo huo, Mathew Akram kutoka jijini Mwanza baada ya kumzonga na kwenda kushuhudia kipindi cha pili cha mchezo huo akiwa jukwaani na mashabiki.

Ukiwa umeanza kwa kasi kwa kila upande kutafuta goli la kuongoza na katika dakika ya 56 juhudi za Donald Ngoma zinaisaidia Yanga ambapo Haruna Niyonzima anaachia shuti kali lililotinga kimiani na kuiandikia Yanga goli 2.

Kila upande wakiwa wanashambuliana kwa zamu mpaka dakika 90 zinamalizika Yanga anatoka kifua mbele kwa ushindi wa goli 2-1.
Mshambuliaji wa Yanga, Simon Msuva akiiandikia timu yake bao la kusawazisha katika mchezo wa Ligi kuu Tanzania Bara, uliopogwa katika Uwanja wa Uhuru, jijini Dar es salaam leo. Yanga imeshinda bao 2-1.
Kiungo Mshambuliaji wa Timu ya Yanga, Thaban Kamusoko akichuana vikali na Beki wa Ruvu Shooting, Shaibu Nayopa, wakati wa Mchezo wa ligi kuu Tanzania bara, uliochezwa katika Uwanja wa Uhuru, jijini Dar es salaam leo. Yanga imeshinda bao 2-1.


Toa Maoni Yako Kwa Uhuru

Ila tafadhali sana angalia usichafue hali ya hewa wala usijeruhi hisia za mtu/watu. Kuwa mstaarabu...