THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

There was an error in this gadget

MWENYEKITI WA BODI YA TANAPA KUONGOZA WANANCHI NA WAANDISHI WA HABARI KUPANDA MLIMA KILIMANJARO KATIKA MAADHIMISHO YA MIAKA 55 YA UHURU

 Habari  Picha na Woinde Shizza,Arusha.

Aliyekuwa mkuu wa majeshi na Mwenyekiti wa bodi ya TANAPA,Jenerali Mstaafu Geogre Waitara anatarajiwa kuongoza  msafara wa zoezi la kupanda mlima kilimanjaro desemba 5 hadi 10 ikiwa ni sehemu ya maadhimisho ya miaka 55 ya  uhuru wa tanzania.

Aidha katika msafara huo wa kupanda mlima kilimanjaro watakuwepo pia wanajeshi kutoka Jeshi la wananchi Tanzania pamoja na wanahabari ambao watakuwa wanahabarisha jamii kuhusiana na tukio hilo.

Akizungumza na vyombo vya habari Mkurugenzi mkuu wa TANAPA ,Allan Kijazi alisema kuwa mwaka huu Tanzania itaadhimisha miaka 55 ya uhuru na hivyo shirika hilo ikishirikiana na kampuni ya utalii ya Zara pamoja na bodi ya utalii (TTB) kuandaa zoezi la kupanda mlima kilimnajro ili kuhamasisha  Watanzania kuvifahamu vivutio vya utalii.

Alisema kuwa zoezi hilo la upandaji mlima litahusisha baadhi ya viongozi mashuhuri  wa jeshi Wastaafu akiwemo aliyekuwa mkuu wa majeshi ili kuhamasisha Watanzania waweze kupanda mlima ambapo tukio hilo litajulikana kama Uhuru Epedition .

Kijazi alifafanua kuwa pamoja na kuadhimisha uhuru wa nchi ,lakini madhumuni mengine ya zoezi hilo ni kuhamasisha utalii na kuhimiza uhifadhi wa mazingira kwani bado watanzania wengi hawana muamko wa kutembelea vivutio vya utalii hivyo kujikuta asilimia kubwa ya watalii ni kutoka nje ya nchi.

"Katika maadhimisho haya tuna malengo ya kuhamasisha watanzania ili wajitokeze kupanda mlima kilimanajaro pamoja na kutembela hifadhi mbali mbali, kwani tunavyo vivutio 16 ambavyo vipo ndani ya tanzania na vinahitaji watanzania wote wanufaike navyo sio tu wageni kutoka nje ya nchi bali hata wa hapa wajue wanazo fursa "aliongeza kijazi.

Kwa upande wake Mkurugenzi wa zara Zainabu Ansell alisema kuwa Watanzania wanapaswa kujitokeza kwa wingi katika zoezi hilo la kihistoria kwani  wengi wao wamekuwa na mawazo potofu ya kufikiria wanaopaswa kupanda mlima na kutembelea hifadhi ni wazungu tu na wageni kutoka nje ya nchi hali inayowafanya watanzania kupoteza haki yao.
Kauli mbiu ya zoezi la kupanda mlima kilimanjaro mwaka huu ni endelea kuweka mazingira safi na salama ya fahari ya afrika.
Mkurugenzi wa Kampuni ya Zara Tours Zainabu Anselm akiongea juu ya kampuni yake ambapo aliwataka wananchi wajitokeze kwa wingi kutembelea vivutio vilivyopo ndani ya nchi yetu na sio kuendelea kuviona kwa mbali tu na kuvisikia.
Meneja Utalii na masoko wa Tanapa Ibrahimu Musa, katikati ni Mkurugenzi wa Tanapa Allen Kijazi wa kwanza kushoto ni Afisa uhusiano wa Tanapa Paschal Shelutete