MICHUZI

mrema anguruma dar leo

2009-12-28T15:09:00.001+03:00

Mwenyekiti wa Tanzania Labour Party (TLP), Augustino Mrema akifafanua jambo wakati wa mkutano na waandishi wa habari kwenye ukumbi wa Idara ya habari (MAELEZO) jijini Dar leo, kuhusu mwenendo wa hali ya kisiasa kuelekea katika uchaguzi Mkuu. Kushoto ni Katibu wa chama hicho, Hamad Tao.

HOJA YA HAJA

2009-12-28T09:48:00.002+03:00

AHSANTE SANA NDUGU MDAU KWA MADA YAKO YA SOFA PAKA. KWA UFUPI MIMI NI MMOJA YA WADAU MCHEZA SOKA NA PIA NI MPENZI SANA WA MAENDELEO YA SOKA YA HAPO NYUMBANI TANZANIA, AFRIKA MASHARIKI NA AFRIKA KWA UJUMLA.

KWA UFUPI NAPENDA KUIPONGEZA TIMU YA DAR YOUNG AFRICANS KWA KUTUWAKILISHA VIZURI NA HATIMAE KUTWAA UBINGWA. PILI NAPENDA KUIPONGEZA TIMU YA SOFAPAKA KWA KUONYESHA SOKA NZURI NA YENYE USHINDANI NA HATIMAE KUNYAKUA NAFASI YA PILI.BILA KUSAHAU SIMBA SC. HII NI HATUA KUBWA SANA KWA KLABU ILIYOANZISHWA SI CHINI YA MIKA KUMI ILIYOPITA.

PIA HONGERENI SANA SOFAPAKA KWA KUJITANGAZA VIZURI NA HASA KWA KUTUMIA NJIA YA MTANDAO YANI WEBSITE YENU ILIYOTENGENEZWA KWA UTAALAMU KABISA. HAKIKA UNGENIULIZA MIMI KAMA NILIKUWA NAJUA SOFAPAKA NI NINI BASI JIBU LANGU LINGEKUWA KICHEKESHO KIDOGO. LABDA NINGEJARIBU KULITENGANISHA NENO HILO KATIKA MANENO MAWILI YA SOFA NA PAKA. HAHAHA NINA UHAKIKA HILI NDIO LILIKUWA WAZO LA WENZANGU WENGI TU HASA HUKU UGHAIBUNI. LAKINI SI PUNDE TU NIMESHAJUA KUWA NINI MAANA YA SOFAPAKA NA HATA BAADA YA KUTIZAMA WEBSITE YAO NIKAJIFUNZA KITU KINGINE KIPYA YANI BLUE TRIANGLE CEMENT AMBAO NI WADHAMINI WAKUU WA TIMU HII.

TUKICHUKULIA MFANO HUU MDOGO TUU TUTAJIFUNZA KUWA NJIA HII YA MTANDAO INASAIDIA KUSAMBAZA HABARI KIURAHISI KABISA NA KWA HARAKA SANA NA HATA KWA DUNIA NZIMA.

SASA KAMA MDAU MWENZANGU ALIVYOSEMA

(1)JE TIMU ZETU KONGWE ZA YANGA NA SIMBA ZINAJUFUNZA NINI KATIKA HILI?? HASA KATIKA WAKATI HUU WA ULIMWENGU WA SAYANSI NA TEKNOLOJIA??

(2) JE CHAMA CHA SOKA (TTF) NAO WANAJIFUNZA NINI KUHUSU MADA HII YA SOFAPAKA??

LABDA KWA KUWASAIDIA KUJIBU TU MAANA WAO WAKO BUSY SANA KATIKA KUHESABU HELA ZA MAPATO YA MILANGONI NA BILA KUJUA WAZITUMIAJE. JE WADHAMINI WA SOKA HAPO NYUMBANI KUANZIA VODACOM, KILIMANJARO, TUSKER WANALIONAJE SWALA HILI LA WEBSITE HASA UKIZINGATIA WAO KAMA WADHAMINI WANAFANYA HIVYO HILI KUPATA PUBLICITY AU KUJITANGAZA??

TUKIANZIA NA VILABU VYETU VIKUBWA VYA YANGA NA SIMBA, TUNAVIPENDA SANA!! NA SISI KAMA WATANZANIA HATUNA LINGINE LA KUJIVUNIA KATIKA HISTORIA YA SOKA LETU ZAIDI YA UMAARUFU NA UKONGWE WA VILABU HIVI. IKUMBUKWE SIJASEMA MAFANIKIO NIMESEMA UKONGWE NA UMAARUFU.

TUKIJA KATIKA MAFANIKIO AAH HAPO MTATUWIA RADHI KWANI HATUJAONA KITU BADO TUTAISHIA NA USHABIKI WETU WA NYUMBANI TUU "MNYAMA KAMFUNGA YANGA AU ULEE WA KANDAMBILI KAMFUNGA SIMBA"" HAHAHA BILA KUSAHAU NA ZILE NYIMBO ZETU SIMBA KAINAMA YANGA .....!! MTAMALIZIA WENYEWE!!

IKIJA ENYIMBA AU AL-HILALY BASI SISI TUMBO JOTO BABAKE!! TURUDI KWENYE MADA MIMI NAONA UTUMIAJI WA MTANDAO NDIO NJIA RAHISI YA KUJITANGAZA ZAIDI KULIKO NJIA YEYOTE ILE. MIMI LEO NAIJUA TIMU YA SOFAPAKA NA SIMENTI YA BLUE TRIANGLE KITU AMBACHO NILIKUWA SIKIJUI JUST FEW HOURS AGO.

SASA TUKICHUKULIA MFANO HALISI WA VILABU VYETU HIVI AMBAVYO HIVI SASA VINADHAMINIWA NA KILIMANJARO BEER. JE HUWEZI KUONA KUWA KUNA MTU KAMA MIMI SOMEWHERE IN THIS WORLD HAIJUI YANGA AU SIMBA NA KILIMNJARO BEER NA KAMA MNGEKUWA NA MITANDAO INGEKUWA RAHISI KWA MTU HUYU KUWATAMBUA NA KUITAMBUA BEER HII??

FAIDA NYINGINE YA KUJITANGAZA NI KUWEZA KUWATANGAZA WACHEZAJI WENU NA KUONYESHA TAKWIMU ZAO AMBAZO ZITAWASAIDIA KUPATA SOKO LA KULIPWA. PIA NJIA HII YA MTANDAO ITASAIDIA KUVUTIA WAPENZI WENGI ZAIDI AMBAO WATAKUWA WANAVUTIWA NA HABARI ZA KLABU NA WACHEZAJI KWA UJUMLA NA KUFANYA WAO KUFURIKA VIWANJANI KUJA KUWAONA LIVE. WATU WAKIFURIKA UWANJANI NADHANI KWA AKILI YANGU FUPI INANIAMBIA KUWA NDIO MAPATO YA VILABU YANAONGEZEKA.

TUKIJA KWA WADHAMNI YANI KILIMANJARO, TUSKER, VODACOM, NMB NA VITU KAMA HIVYO LABDA NIWAULIZE NINI MTAZAMO WAO WA KIBIASHARA BAADA YA MIAKA 50? JE NI KUUZA VINYWAJI NA SIMU ZAO HADI NEWALA NA BIHARAMURO AU CAIRO HADI BEIJING?? KAMA JIBU NI JUST KUUZA BIDHAA KWA HAPO HAPO TANZANIA BASI HILO MMESHALIKAMILISHA NA SASA MSUBIRI KUHUJUMU MAKAMPUNI NA MYAFIRISI NA KUSAHAU KUWA KUNA WAJUKUU ZENU WANATAKIWA KURITHI KUTOKA KWENU.

NA KAMA NIA NI KUUZA BIDHAA HADI NJE YA MIPAKA, JE TUTAFIKA? NA KAMA HADII HII LEO VILABU VYA LIGI KUU, WADHAMNI NA VYAMA VYA SOKA HAVINA HATA WEBSITE?? AU TUNAJIDANGAYA NA HAO WASHABIKI 5000 WANAOJAZA UWANJA WA JAMHURI, KAUNDA, SOKOINE?

OOH NAJUA KUWA FASIHI INATEMBEA LAKINI KUMBUKA BY THE TIME INAWAFIKIA WALENGWA ITAKUWA TAYARI INA MAPUNGUFU NIKIMAANISHA KUWA KILIMANJARO BEER ITAKUWA NJARO BEER, TUSKER WATAIITA TAKA NA HATA VODACOM WATATAMKA KAMA ODACOME??

JE IKIWA SASA MITANDAO INAWAFIKIA HATA WANAKIJIJI KULE IFUNDA KWANI SASA WANA INTERNET HATA KWENYE SIMU ZAO INGEKUWA RAHISI KUWAFIKISHIA WALENGWA UJUMBE MOJA KWA MOJA?? HII LEO KONYAGI NI KINYWAJI MAARUFU HAPA USA? JE MNADHANI HILO HALIWEZEKANI KWA TUSKER NA KILIMNJARO BEER??

NA LA MWISHO NA PENDA KUTOA MASIKITIKO YANGU KWA LIGI KUU YA KENYA NA CHAMA SHIRIKISHI. KWAKWELI BAADA YA KUTAZAMA PICHA ZA SOFAPAKA NILISIKITIKA SANA. HIVI KWELI HII NI LIGI AMBAYO ILIKUWA IMEBEBA VILABU VIBABE KAMA GOR MAHIA, AFC LEOPRADS, BREWERIES YA KENYA??

MIMI WAKATI HUO NIKIWA MDOGO NILIKUWA NAOGOPA NIKISIKIA YANGA AU SIMBA ANACHEZA NA VILABU HIVI. AU WADAU MNASEMAJE?? LAKINI LEO HII NI HAIBU UKIANGALIA MAENDELEO YA LIGI HII. VIWANJA HAVIJAI KABISA!! YANI HATA WATU MIA MBILI HAWAFIKI?? MECHI ZINGINGE ZINACHEZEWA KATIKA VIWANJA KAMA MWANANYAMALA SHULENI?? HIVI KWELI NI HII LIGI AMBAYO ILIKUWA INATOA WAKINA PETER DAWO, THOBIAS OCHOLA "JOGOO"? MAHMOOD ABBAS? PETER OTIENO? KADENGE NA KADHALIKA??

LAKINI JIBU MNALO WENYEWE KUWA UBADHILIFU NDIO UMEPELEKEA HAYO NA LEO MNAYAONA. IKUMBUKWE KUWA CHAMA CHA SOKA CHA KENYA KILISHAFUNGIWA NA FIFA KWA AJILI YA UBADHILIFU WA FEDHA. JE NI MDAHAMNI GANI ATAKUWA TAYARI KUDHAMINI LIGI WAKATI WATU WANASHIBISHA MATUMBO YAO??

JE NI SHABIKI GANI ATAKUWA TAYARI KUACHA MECHI YA MANCHESTER, LIVERPOOL NA ARSENAL KIDEONI ILI AKATAZAME GOR MAHIA NA SOFAPAKA?? JIBU MNALO WENYEWE NA PIA NI FUNDISHO KWA CHAMA CHA SOKA CHA TANZANIA YANI TTF. WASWAZI WANASEMA UKIONA MWENZIO KANYOLEWA BASI WEWE TIA MAJI. KULIKUWA NA WAKATI UWANJA WA TAIFA UNAJAA HATA AKICHEZA NYOTA NYEKUNDU NA LIPULI YA IRINGA!! LEO HII UWANJA HAUJAI MPAKA ACHEZE YANGA NA SIMBA?? KWA TAARIFA YENU NASI TUNAELEKEA HUKO HUKO KWA WATANI WA JADI KENYA.

LA MWISHO KABISA NI USHAURI WA BURE KWENU:

(1) TIMU ZIWE NA WEBSITES NA VIJARIDA (HEKO YANGA), WACHEZAJI WATANGAZWE NA VILABU PAMOJA NA WADHAMINI KWA KUWATUMIA WAO KATIKA MATANGAZO YOTE KUANZIA BILLBOARDS NA HATA VIDEONI. HAINA MAANA KUMTUMIA MTU ASIYEJULIKANA WAKATI MCHEZAJI ANA INFLUENCE KUBWA KULIKO MTU WA KAWAIDA. HII PIA ITAWAONGEZEA VIPATO WACHEZAJI NA KUWAFANYA WAONGEZE JUHUDI KWANI WAKIWA MAARUFU WATAPATA MIKATABA YA MATANGAZO. HILI LITAONGEZA USHINDANI WA LIGI. IKUMBUKWE WAO NI AIDLES! HII PIA ITAWAFANYA HATA WATOTO WETU WAVUTIWE NA MPIRA HIVYO KIBIDIISHA ZAIDI KATIKA MAZOEZI.

(2) PIA MAKAMPUNI YATAWEZA KUJITANGAZA ZAIDI KAMA TIMU ZIKIFANYA VIZURI ZAIDI NA KUUZA BIDHAA NJE YA MIPAKA YETU. PIA NINGEPENDA KIONGEZWE KIPENGELE KATIKA MIKATABA HIYO KUWA TIMU LAZIMA ZIWE NA WEBSITES ZA KUDUMU.

(3)KWA CHAMA CHA SOKA HILI LITASADIA KATIKA KUKUSANYA NA KUTAWANYA HABARI NJE NA NDANI YA MIPAKA YETU NA KUIFANYA LIGI IJUILIKANE ZAIDI NA KUPATA WADHAMNI ZAIDI. PIA KUKIFANYA CHAMA CHA SOKA NA VILABU KUENDESHA SHUGHULI ZAO KIUFANISI NA UWAZI ZAIDI(TRANSPARENT).

PENDEKEZO NINGEPENDA KUPENDEKEZA WEBSITE YA SUPERSPORT UNITED, STARS UNITED (www.starsunitedfc.webs.com) ZIWE MFANO WA KUIGWA NA VILABU VYETU HAPO NYUMBANI(PITIA). HONGERA AZAM FC, MTIBWA SUGAR NA AFRICAN LYONS (INGAWA NA WENYEWE NI WAVIVU KU UPDATE HABARI ZAO).

MWISHO KABISA MAANA SASA NIMESHAKUWA KAMA MWALIMU WANGU MMOJA WA AZANIA AKISEMA MWISHO BASI MWISHO UNAKUWA MREFU ZAIDI KULIKO HABARI YENYEWE!

NINGEOMBA VYUO VIKUU NYUMBANI VIANZISHE KOZI MAALUMU YA URATIBU WA MICHEZO AU KIDHUNGU WANAITA SPORTS MANAGEMENT ILI WATANZANIA WANUFAIKE NA HILO NA PIA NA SISI TULIO UGHAIBUNI NI MOJA YA DEGREE ZINAZOONGOZA KWA MALIPO BASI TUKIPATA WASAA BASI TUFANYE HIMA ILI TUKALISAIDIE TAIFA HILI MAANA LIKO GIZANI!!

AHSANTENI NA NAOMBA TUJADILI MADA HII!

MDAU USA- RIVAAAAA!!

KUMBUKUMBU

2009-12-28T09:45:00.001+03:00

mpendwa mama yetu

DEBORA UDOBA

Toka ututoke leo umetimiza miaka 5

Unakumbukwa daima na mume wako kipenzi Ezell Udoba pamoja na watoto wako Ritha(Nyemo), Dinna, Lucy na Ruben na wapendwa wakwe zako Mahimbo na Mallod

nyundo mtindo mmoja dar

2009-12-28T09:42:00.002+03:00

bomoa bomoa ya majengo makuukuu kupisha mapya inaendelea kwa kasi jijini dar, ingawa kasi hiyo haijaelekezwa pia katika miundombinu kama vile mifereji ya maji taka na safi, sehemu za maegesho na kadhalika. bila shaka wahusika wanajua wanachokifanya. hapa ni katika mduara wa mtaa wa jamhuri karibu na DTV

knashipai ala nondozzz

2009-12-28T09:18:00.002+03:00

Mdau Knashipai Kiria Lupoo baada ya kula nondozzz ya Health of Oganization and Community Halth katika Chuo kikuu cha Concordia University huko Moorhead, Minnesota. Familia yake inampongeza na kumtakia mipango mema ya kuendelea na PH mwaka ujao katika chuo kimoja kilichopo huko Seatlle. Aksante brother na nakutakia kheri ya mwaka mpya songa mzee tupo pamoja ingawa tupo dunia ya kwanza huku but are always proud with our country. Mungu ibariki tanzania. Picha na habari kwa hisani ya mdau Ebra wa New York City.
Juu na chini ni Knashipai akiwa na marafiki waliokuja kumpongeza

Sherehe za kuukaribisha Mwaka Mpya 2010 Tokyo

2009-12-28T09:14:00.000+03:00

Jumuiya ya Watanzania Wanaoishi Nchini Japani (Tanzanite Society) inapenda kuchukuwa fursa hii kuwatangazia Watanzania wote wa Kanto na maeneo ya jirani na wale watakaokuwa wanatembelea Kanto wakati huu wa kipindi hiki cha Mwaka mpya kuwa kutakuwa na sherehe kabambe ya kuukaribisha mwaka mpya (2010). Sherehe hizi zitafanyika huko Mkoani Kanagawa. Maelezo kamili ya shughuli hiyo ni kama ifuatavyo:-

Siku: 3/1/2010 (Jumapili)
Muda: Kuanzia saa tatu usiku mpaka majogoo
Kiingilio: Yeni 1500 (utapata kinywaji kimoja)
Ukumbi: Amore Club uliopo ghorofa ya pili ya jengo la Grande Hon Asugi, Hon Asugi, Nakacho-2-13-13, ilipofanyikia sherehe ya Uwataja 2008 (Karibu na ukumbi wa mama Mperu). Dakika 5 toka kituo cha train cha Hon Asugi (Odakyu line)
Muziki: DJ mkongwe, DJ Zee atakupatia miziki ya aina mbalimbali kuanzia zile za kizazi cha zamani (enzi za mababu zetu) mpaka za kizazi cha kipya, hip hop, taarab, nk.

Kwa ufafanuzi na maelekezo ya ziada tafadhali wasiliana na wanakamati wa kamati ya uhamasishaji na Starehe:
Bw Pembe: 080-3458-8786
Bi Angela: 080-3397-0339
Bi Upendo: 080-1326-9700
Bi Mariam: 090-4422-8555
Bw Ntale: 080-4149-1257

Tunawaomba watanzania pamoja na marafiki zao wa mataifa mengine kujitokeza kwa wingi ili kufanikisha shughuli hii. Ukipata taarifa hii mtaarifu na mwenzio.

Ahsante
Kamati ya Uhamasishaji na Starehe
Jumuiya ya Watanzania Wanaoishi Nchini Japani

computer problems?

2009-12-28T00:54:00.001+03:00

tumkumbuke babu seya

2009-12-28T00:52:00.001+03:00

kp leo

2009-12-28T00:49:00.000+03:00

ijue sofapaka ya kenya: ni klabu ya kuigwa

2009-12-27T18:04:00.003+03:00

Rais wa SOFAPAKA Elly Mboni Kalekwa

SOFAPAKA wakishangilia ubingwa wao

SOTE (kama) FAMILIA (kwa) PAMOJA KUAFIKIA AZIMIO ndio kirefu cha SOFAPAKA, klabu ya soka iliyoanzishwa kutoka na timu ndogo ya kanisa la M.A.O.S Ministries jijini Nairobi chini ya usimamizi wa Pastor Jimmy Carter Ambajo mwaka 2002.

Klabu hii, ambayo pia ina timu ya wanawake SOFAPAKA QUEENS, imekuwa ikishiriki katika michuano ya kanisa hadi mwaka 2004 wakati mfadhili mkuu ambaye sasa ndiye Rais wao Elly Mboni Kalekwa, mfanyabiashara tajiri mzaliwa wa Congo Kinshasa.

SOFAPAKA, maarufu kama Watoto wa Mungu, iliundwa na timu ya vijana wanaoishi kwenye mazingira magumu, kabla ya kuanza kununua wachezaji nyota kutoka vilabu vingine vikubwa.

Mwaka huu wamenyakua ubingwa wa Kenya na kuwa timu ya mfano sio kwa Kenya tu bali Afrika Mashariki kwa ujumla, hususan Tanzania kwani ni klabu changa lakini imefanya makubwa na kuna kila dalili itafika mbali.

Pamoja na kuukosa ubingwa wa Tusker 2009, Globu ya Jamii inaipongeza SOFAPAKA kwa kuwa timu ya mfano. Ukiangalia tovuti yao tu utajua hilo, jambo ambalo achilia mbali wakongwe Simba na Yanga, yaani hata TFF hawana tovuti na habari zao zinapatikana kwa mbinde kama enzi za ujima. Hadi sasa ni African Lyon FC, Azam FC na Mtibwa Sukari FC pekee zenye tovuti (japo na wao ku-update kila siku ni mgogoro kiasi). Yaani aibu tupu!

Watembelee SOFAPAKA

www.sofapaka.com

YANGA YANYAKUA UBINGWA WA TUSKER 2009

2009-12-27T17:40:00.005+03:00

Waziri wa Michezo na Utamaduni, George Mkuchika (kushoto) akikabidhi kombe la ubingwa wa michuano ya Tusker kwa nahodha wa Yanga, Abdi Kassim, baada ya kuinyuka timu ya Sofapaka ya Kenya kwa mabao 2-1 katika mchezo wa fainali uliofanyika kwenye Uwanja wa Uhuru jijini Dar leo. Katikati ni Rais wa TFF Sir Leodegar] Chilla Tenga

Yanga wakifurahia ushindi wao

FFU wakiwasindikiza waamuzi nje ya uwanja baada ya pambano

Kocha wa Yanga, Kostadi Papic (kushoto) akipeana mkono na kocha wa Sofabaka, Robert matano mara baada ya mchezo wa fainali ya kombe la Tusker. Yanga ilishinda 2-1.

MPIRA UMEKWISHA NA YANGA YAIBUKA NA USHINDI WA BAO 2-1 DHIDI YA SOFAPAKA YA KENYA UWANJA WA NESHNO YA ZAMANI NA KUNYAKUA UBINGWA WA KOMBE LA TUSKER CUP.

MSHAMBULIAJI GERRY TEGETE AMETEULIWA KUWA MCHEZJI NA MFUNGAJI BORA BAADA YA KUPACHIKA MABAO 6 KWENYE MICHUANO HII.

*YANGA INAZAWADIWA KOMBE NA SHILINGI MILIONI 40

*SOFAPAKA INAAMBULIA MILIONI 20

*SIMBA INAPEWA KIFUTA JASHO CHA MILIONI 10

FFU WANAINGILIA KATI WAKATI WACHEZAJI WA SOFAPAKA WANAPOMZONGA REFA NA KUTAKA KUMPIGA. MPIGA PICHA MUHIDIN SUFIANI ANAPIGWA NA MCHEZAJI NAMBA 12 WA SOFAPAKA. GARI TANO DEFENDER ZA FFU ZIPO UWANJANI, NA GARI LAO LA MAJI YA KUWASHA LIKO MKAO WA KULA....

MWALI ANAFUNULIWA TAYARI KUGAWIWA.....

YANGA OYE!

TANZANIA OYE!

YANGA YASAWAZISHA, YAOINGEZA BAO

2009-12-27T17:06:00.003+03:00

Boniface ambani akishangilia bao
kocha wa sofapaka akitoa maelekezo baada ya yanga kusawazisha

juu na chini mshambuliaji hatari wa yanga akichachafya ngome ya sofapaka

YANGA INASAWAZISHA DAKIKA YA 84 KWA GOLI TAMU LILOFUNGWA NA BONIFACE AMBANI. GEMU NDIO LINAPAMBA MOTO NA SOFAPAKA WAMEKUJA JUU KUTAKA KUONGEZA.

ZIKIWA ZIMEBAKI DAKIKA TANO ZA MAJERUHI, MSHAMBULIAJI HATARI WA YANGA MRISHO NGASA ANAIANDIKIA YANGA BAO NA SASA NI BAO 2-1 YANGA WANAONGOZA. MASHABIKI WA YANGA WANAIMBA "CCM... CCM CCM"

YANGA IKO NYUMA BAO 0-1 DHIDI YA SOFAPAKA

2009-12-27T15:51:00.003+03:00

NI KIPINDI CHA MAPUMZIKO SASA NA SOFAPAKA YA KENYA WANAIONGOZA YANGA KWA BAO 1-0 WALILOPATA DAKIKA YA 35 YA KIPINDI CHA KWANZA. YANGA WAMETAWALA UWANJA LAKINI WASHAMBULIAJI WAO HAWANA SHABAHA.

basi la wifi lanusurika kuungua

2009-12-27T12:49:00.001+03:00

Basi la Wifi Coach likifuka moshi baada ya tairi lake moja la nyuma kupasuka wakati likiwa katika mwendo na baadaye kushika moto. Bahati walikuwa na vifaa vya kuzimia moto. Tafrani hiyo ilitokea kama kilometa 50 kabla ya kufika Nangurukulu kutoka Lindi.

manji ajivua ufadhili yanga, agoma kuwa mwenyekiti?

2009-12-27T12:40:00.004+03:00

mfadhili mkuu wa yanga Yusuf Manji (kulia) akiwa na aliyekuwa rais wa klabu hiyo ya jangwani Francis Kifukwe. Inasemekana Manji amejivua kuwa mfadhili wa yanga na pia amegoma kugombea nafasi ya uenyekiti katika uchaguzi mkuu ujao. kwa upande wa ufadhili amesemekana kudai kuwa yanga sasa ni imara na yenye uwezo wa kujiendesha bila kutegemea mfadhili baada ya juhudi zake kuzaa uwezo huo, na kwa upande wa uenyekiti amesema hawezi kuwa na muda wa kufanya kazi za wadhifa huo kwani ana shughuli nyingi.

WAKATI HUO HUO YANGA INACHEZA NA SOFAPAKA YA KENYA KWENYE FAINALI YA KOMBE LA TUSKER CUP NESHNO YA ZAMANI KATIKA MCHEZO UNAOTARAJIWA WA VUTA NIKUVUTE. KAMA KAWA GLOBU YA JAMII ITAKUWA MACHO KUWALETEA KINACHOJIRI. KAA CHONJO.

msaada tutani

2009-12-27T12:38:00.001+03:00

Hey Mr.Michu,

hongera sana kwa kutupa habari motomoto kutoka nyumbani.Imetufanya sisi tulioko nje ya nchi tujue kinachoendelea hata huko kwa mfuga mbwa.

Mimi naitwa Joseph Mwerere niko hapa Norfolk Va,natafuta mtanzania yeyote anayeishi hapa Norfolk au VA Beach areas tuwasiliane kwa

757-597-5416

email: jmwerere@yahoo.com.
Uncle kama utanipostia hii habari ktk blog ya jamii nitashukuru sana.
Heri ya mwaka mpya Bro.

matangazo mapya

2009-12-27T10:12:00.002+03:00

biashara ni matangazo na TBL wako kileleni

na tangazo lao jipya la kilaji cha Kilimanjaro na kila kona wamefunika

selemani na jasmin wameremeta

2009-12-27T09:52:00.003+03:00

mdau selemani pongolani na mai waifu wake jasmin wakimeremeta
maharusi na wapambe wao
selemani na jasmin wakikaribishwa kwa vitambaa
vyeupe ukumbi wa mlimani city kwenye mnuso wao

new year extravaganza in london

2009-12-27T03:28:00.000+03:00

libeneke la chef issa laendelea.....

2009-12-27T03:04:00.002+03:00

Chef Issa akiwa na tuzo ya kichwa cha ngombe na majani baada ya kuonyesha uwezo ktk utengenezaji wa chocolate.
chocolate special order ya mechi kati ya arsenal na ac roma kwa wageni waalikwa wakati wa champions league aliyotengeneza Chef Issa

Chef Issa akichanganya chocolate ganache na chef mkongwe na mtaalamu wa chocolate kutoka Suter Bakery ya Luzern, Switzerland

Chef Issa akipata lunch na machef wenzie kabla ya mashindano

Chef Issa anashukuru kwani tayari ameshafungua blog ya 'Culinary Chamber' na kwa sasa anaandaa articles pamoja na taswira. Anasema amesoma maoni ya wapenzi wa Globu ya Jamii na anayakubali kuwa ni changamoto.

Chef Issa anasisitiza HACCP ni moja ya taaluma muhimu kuliko maelezo ila aliyopata yeye ya main course ni art in european culinary management ( bingwa wa chakula cha kimagharibi) ambapo ukitembele ktk site no 1 duniani kwa kazi za hotel duniani inaitwa www.catererglobal.com na pia utakuta kazi zote za ma chef zinazotangazwa. Hapo ni lazima uwe HACCP certified bila hivyo hata kama una uzoefu wa miaka 20 hakuna atakae kukabidhi jiko umsababshie jiko lake kufungwa.

Anasema Tz bado hajasikia hata siku moja hotel au mgahawa umeshitakiwa au kufungwa kwa sababau za afya, na kwamba majiko mengi ni machafu kweli kweli na usalama wa vyakula ni mdogo na haufanyiki, anasema ni hatari.

Katika kuendeleza libeneke, Chef Issa amebahatika kupata nafasi ya kutengeneza chocolate ambazo zilitumika katika mechi ya Arsenal na Ac Roma mwaka huu mwezi wa 3 kwenye champions league wakati wa mafunzo yake ya utengenezaji chocolate na cheese ktk jiji la Luzern, switzerland.

lilly asherehekea hepi besdei ya kuzaliwa kwake leo

2009-12-27T02:56:00.003+03:00

hellow mr. michuzi nimekutumia mail sijui kama umeipata na hope mzm kabisaaaaa

mi naitwa Lilian nafanya morogoro na nina besdei yangu ya kuzaliwa leo tarehe 27/12/2009 natimiza miaka 27 naona unirushe ktk Globu yako ya Jamii ya michuzi kama inawezekana ila sijui utaratibu wako unaendaje.

Sherehe inatafanyikia Maisha Club ya morogoro usiku huu. Na nakutumia picha zangu 2 utaangali ipi inafaa kuiweka na nakutumia na cake ya barthday please.... nategemea majibu kutoka kwako.

have a nice day!! mnakaribishwa woteeeeeee

yale yaleeeee....

2009-12-27T02:49:00.003+03:00

Kaka michuzi hii ni habari ya muhimu sana kwa wadau wa Globu ya Jamii kufahamu maana kupitia Globu hii wananchi wnegi wataelewa kinachoendela hapo uwanja wa Ndege wa Julius Kambarage Nyerere (JKN) .. naomba uipost..

Umekua ukisikia mara kwa mara vituko vya uwanja wa ndege wa JKN
kuanzia kuibiwa , kusachiwa kwa baadhi ya abiria , kulaghaiwa na aina
nyingine nyiingi sana za uharamu ndani ya uwanja huo kutokana na
ukuaji wa tekinologia hata hawa wezi na matepeli nao wanapandisha
viwango hata aina nyingine za uharamia wao .

Kwanza ni kwenye sehemu za kupitisha mizigo inayotoka na kuingia
nchini sehemu hiyo imejaa watu mbalimbali wanaohusika na usalama wa
uwanja na watu wanaotumia uwanja ule watu hawa kushirikiana na maduka
ndani ya uwanja huo ya kuuza vitu ambao ni wadau wakubwa wa wizi unaoendelea ndani ya uwanja .

Kama umewahi kuibiwa kitu kama laptop hatua ya kwanza ni kutoa taarifa
hapo uwanjani mara nyingi watasema vitu vyako vimeibiwa Nairobi au
Kilimanjaro na Ethiopia ukweli ni kwamba vitu hivyo huibiwa na watu wa
(majina kapuni kwa sababu maalum za maadili), sehemu za kwanza kuuzwa au kuhifadhiwa ni Duka namba nanihii ambao kuna Huduma za Internet. Duka hilo hujaa mali zilizoibwa ndani kwa kujidai Used Vimetoka Ulaya na Bara Asia .

Duka hilo hilo kama una haraka na kupanda ndege watakuuzia hata Vocha za
simu ambazo zimeshatumika na ukiondoka umeliwa

Saa zingine Abiria anaweza kua amefanya kosa badala ya askari
kumchukulia hatua anaweza kulazimishwa kuachia Laptop yake au Kamera
ili mradi ni kifaa kinachouzika haraka ndio maana ndani ya maduka hayo
vifaa vile havina charge , battery na vifaa vingine vya kuviwezesha
kufanya kazi kwa uhakika .

Ukizunguka upande wa Pili kuna duka la kuuza vyakula kuna mtanzania
mwenye Asili ya ki-Asia ukizungumza nae kwa upole na vizuri anaweza
kukuuzia laptop hata kamera ambazo husahauliwa au huibwa katika
mgahawa anaousimamia uwanjani hapo kwa jina la (kapuni) .

Ukienda mbele kidogo Kuna duka la ziada Nalo la vitu vidogo vidogo
kuna kijana mwenye asili ya visiwani kazi yake kubwa ni kununua simu
zilizoibwa uwanjani hapo ni mtaalamu wa kubadilisha hizo simu ziweze
kutumika Tanzania .

Ndani ya duka iloilo wauzaji wa Tiketi bandia za kusafiria wapo na
ukitaka ni bwerere haswa za mashirika yetu ya ndani kama Air
Tanzania , PrecisionAir na ZanAir .

Ukikaa uwanjani usishangae kuona askari polisi anatoka kwenda kwenye
gari ya msafiri mara nyingi ni kwenda kupeana cha Juu..

kp leo

2009-12-27T02:46:00.001+03:00

mtu pesa

2009-12-27T02:44:00.000+03:00

mpiganaji emmanuel herman wa mwananchi afiwa na mkewe

2009-12-27T02:26:00.002+03:00

Mpigapicha wa gazeti la mwananchi, Emmanuel Herman akitoa heshima za mwisho kwa mwili wa mkewe, Mary Bernad aliyefariki tarehe 24 katika Hospitali ya Taifa Muhimbili kwa maradhi ya figo na kuzikwa katika makaburi ya Kinondoni jijini Dar Jumamosi hii.

Emmanuel Herman akipewa pole na Mpiga picha wa HabariLeo na Daily News Mroki Mroki wakati wa mazishi ya mkewe yaliyofanyika katika makaburi ya Kinondoni Jumamosi hii.

watoto wa marehemu wakati wa ibada ya mazishi