MICHUZI

libeneke la mdau sabato e. tarimo

2009-07-05T13:29:00.002+03:00

Baadhi ya watu watakuwa wamemsoma Mhandisi na Mwelimishaji ndugu Sabato E. Tarimo katika gazeti la MsemaKweli kwenye makala zake mbalimbali.

Sasa amejikita katika ulimwengu wa

blogu ili kuwafikia wengi zaidi hasa wale wanaoishi nje ya Tanzania.

Makala alizoandika hadi sasa na zinazotia changamoto ni zile zinazohusu

URITHI na MAVAZI ni kama vile:

URITHI: Mahakama ya kufungulia mirathi

URITHI: Urithi kwa watu wasio na undugu na marehemu...

URITHI: Kumnyima mtu haki ya urithiURITHI: Umuhimu wa wosia

URITHI: Je, urithi ni haki au ni fadhila?

URITHI: Biblia inasema nini kuhusu watoto wa kambo...

URITHI: Sheria za mirathi

URITHI: Kwanini mzaliwa wa kwanza alipendelewa?

URITHI: Ni wakati gani wa kurithisha au kurithi?

URITHI: Nani anastahili kurithi?

URITHI: Kiini cha makalaNi vitu gani sisi wanadamu tunavyoweza kurithishana...

URITHI: HAKI NA WAJIBU WAKO

Jina la Blogu ni:

tanzaniachristianheritage.blogspot.com

mandhari ya bandari nyakati za jioni

2009-07-05T13:26:00.001+03:00

ufukwe na bandari ya dar vinavyoonekana majira ya jioni.

swali la kizushi

2009-07-05T12:41:00.003+03:00

Mkuu wa Nanihii na Wadau,

Mie nna kero kubwa dhidi ya hawa ma-DJ wanaotumbuiza kwenye minuso hasa ya harusi. Ukiacha kudai pesa kibao kwa kazi yao hiyo, huwa wanakera sana pale wanaposhobokea kupiga manyimbo yale yale utayosikia kwenye karibu kila harusi, yaani utadhani wameambiana.

Nyimbo nzuri, hasa za nyumbani ambazo zimejaa kibao kutokana na jitihada za vijana wetu wa bongo fleva na hata muziki wa dansa, huwa hawazigusi kabisa utadhani wamegombana nazo. Ukimwamba anakuja juu kama moto wa kifuu, huku akifakamia bia zetu za bure....

Utakuta DJ kakomalia kuwapigia mandombolo ya solo ama manyimbo zilipendwa ya sauzi, na wakati wa kula wanakupigia manyimbo ya ughaibuni ya kina miles david na kenny roggers. hivi kweli bongo tuna ukame kiasi hicho wa nyimbo za nyumbani hadi wakomalie manyimbo wanayopenda kusikia wao na sio waliowalipa kuwaburudisha?

Swali langu la kizushi kwa wadau ni je kifanyike nini ili kubadili fikra za maudhi za ma-DJ wetu wa bongo kwenye minuso???

YAANI MA-DJ WA BONGO MNABOA MPAKA BASI!!

Mdau Festo

Mlimani jirani na UDSM

JK aenda zambia leo

2009-07-05T12:35:00.002+03:00

JK akizungumza na Makamu wa Rais Dk. Ali Mohamed Shein na Waziri Mkuu Mhe. Mizengo Pinda katika uwanja wa ndege wa kimataifa wa Julius Nyerere kabla ya kuondoka kwenda Lusaka Zambia kwa ziara siku tatu ya kiserikali asubuhi hii, ambapo leo anatarajiwa kufunguwa maonesho ya kimataifa ya Biashara katika mji wa Ndola Lusaka.

shein atembelea mabanda ya maonesho ya biashara sabasaba

2009-07-05T12:30:00.001+03:00

makamu wa rais akitembelea banda la maonesho la kundi la albino baada ya kufungua rasmi maonesho ya sabasaba mwaka huu. kulia kwake ni waziri wa viwanda na biashara dk. mary nagu

vodacom foundation yamwaga madawati 400 kwa shule za msingi dar

2009-07-05T12:19:00.003+03:00

Mwalimu Mkuu wa Shule ya Msingi ya Ukombozi Baraka James(kushoto)akisalimiana na Vodacom Miss Tanzania Nasreem Karim wakati wa makabidhiano ya madawati 55 yaliyotolewa msaada na Vodacom Foundation leo. Kati ni Mkuu wa Vodacom Foundation Mwamvita Makamba, Shule ya Uwanja wa ndege ilifaidika kwa msaada huo pia na kupata madawati 55.
Baadhi ya wanafunzi wa shule ya Msingi ya uwanja wa ndege wakiwa wamekalia moja ya madawati 55 na kuonyesha alama ya dole kuashiria kufurahia kwao kwa msaada wa madawati waliyopata leo. shule ya msingi Ukombozi alifaidika kwa msaada wa madawati 55 kutoka Vodacom Foundation ambapo imeanzisha kampeni yake ya kugawa madawati 400 katika shule za msingi za Mkoa wa Dar

Mwalimu wa shule ya Msingi ya Uwanja wa ndege Benard Shao(kushoto)akimuonyesha mazingira Mkuu wa Vodacom Foundation alipofika shuleni hapo kutoa msaada wa madawati 55, ambapo Vodacom imeanzisha kampeni yake ya kugawa madawati 400 katika shule za msingi za Mkoa wa Dares Salaam,(katikati)Vodacom Miss Tanzania Nasreem Karim.

Mkuu wa Mfuko wa kutoa misaada wa Vodacom(Vodacom Foundation)Mwamvita Makamba(katikati) akiongea jambo wakati alipokuwa anatembelea moja ya madarasa ambayo hayana madawati katika shule ya msingi ya uwanja wa ndege leo na kutoa msaada wa madawati 55. Mwenye blauzi ya buluu Mwalimu mkuu wa shule hiyo Edita Semkali.

libeneke la bongo street wear

2009-07-05T11:54:00.002+03:00

inafurahisha kuona siku hizi vijana wajasiriamali wamechangamka kiasi cha kupeleka bidhaa zao kwenye maonesho ya sabasaba katika kujitangaza. hawa ni wadau wa Bongo Street Wear ambao lebo yao inashika chati kwa chati kutokana na vionjo wanavyoandika juu ya flanazzz
baadhi ya vionjo katika flanazzz za Bongo Street Wear

baadhi ya wadau wanaotumia bidhaa za Bongo Street Wear

lebo yao

contact zao

nondozzz

2009-07-05T11:43:00.002+03:00

Ni katika chuo kikuu cha Voronezh State University huko Urusi ambapo wadau M.Mwinyi (shoto) na ni M.Mohammed (pili kulia) na wenzao wa nchi zingine wakijidai baada ya kuvuta ndondozzz za International law na Political science wikiendi hii.

mashibbota kulikoni?

2009-07-05T11:39:00.002+03:00

twanga pepeta wakishiriki mashindano ya bendi za muziki wa dansi mwaka 2001 katika ukumbi wa vijana social hall dar. toka wakati huo hakijasikika kitu hadi hii leo na bingwa bado ni walewale sikinde ngoma ya ukae. iko haja ya kufufua mashindano hayo ambayo yalikuwa na changamoto kubwa kwa bendi kujiweka fiti katika kila idara

Diversity Visa Lottery 2009 (DV-2009) Results

2009-07-05T11:31:00.001+03:00

Ndugu michuzi,

naomba tu uwajulishe ndugu zangu watanzania kwamba kuni hii DV Lottery unapocheza na kushinda waweza kuja kuishi na kufanya kazi Marekani.

Watanzania wengi tuwe tunaijaribu maana kwa sasa tunapigwa bao kwa sana na watani wa jadi. kucheza kwake ni free na link ni hii hapa http://travel.state.gov/visa/immigrants/types/types_1318.html

kutana na k-sher

2009-07-05T05:02:00.004+03:00

katika muendelezo wa kuonesha vipaji bwelele bongo, leo tunaye msanii hodari k-sher ambaye ni mmoja wa walio juu katika safu ya wasanii wa kike nchini

umeshasajili namba ya simu yako ya mkononi?

2009-07-05T04:55:00.002+03:00

zoezi la kusajili namba za simu za mkononi kwa kila aliyonayo limeanza rasmi julai 1, 2009 na mchakato unaendelea vizuri kwani wenye simu wengi wanajitokeza kufanya hivyo ili kuwahi mstari-mfu wa miezi 6 uliowekwa. pamoja na mambo mengine ikiwa ni pamoja na kuonesha huduma wazitoazo kwenye banda lake katika maonesho ya sabasaba, vodacom imeweka makarani wanaoendesha shughuli hizo kama inavyoonekana pichani.

maonesho ya sabasaba 2009 yazidi kunoga

2009-07-05T03:51:00.003+03:00

profesa alec chemponda na mai waifu wake wakiwa katika shopping kwenye maonesho ya sabasaba. natumai da'chemi atafurahi kuona taswira hii ambayo inaambatana na salamu za sabasaba toka kwa wazazi wake hawa

msanii wabogojo akionesha vitu vyake ikiwa ni mojawapo ya vivutio katika banda la zain kwenye maonesho ya sabasaba barabara ya kilwa rodi dar
wadau kibao wanatembelea maonesho hayo

pamoja na kuangalia bidhaa pia kunakuwaga na shopping la nguvu

wadau wakijipatia bidhaa za dezo kwenye moja ya mabanda

kwa mwaka huu banda la home shopping centre limeleta taswira mpya ya maonesho

mishikaki orijino

2009-07-05T03:45:00.001+03:00

nasikia bongo wanatamba sana kwa 'mishikaki' (staili ya upakiaji wa abiria wengi kwenye pikipiki) na kusahau kuwa kuna mishikaki iliyotukuka afrika magharibi

ZIFF 2009 AWARD WINNERS

2009-07-05T03:39:00.001+03:00

12TH ZANZIBAR INTERNATIONAL FILM FESTIVAL

VERONA Award – Seasons of A Life (Malawi)

SIGNIS Jury Award - Commendation

(1)Mah Saah Sah (Cameroon) Dir: Daniel Kamwa
(2)Go With Peace Jamil (Denmark/Afghanistan) Dir:Omar Sharwagi
- East Africa Region Talent – Suwi (Zambia)-Dir: Cathrine Kaseketi Musola
-Signis Award – Izulu Lami (South Africa) – Dir: Madoda Ncayiyana
SEMBENE OUSMANE Award–Keiskamma-A Story of love (South Africa)
Dir:Miki Redelinghuys
ZIFF Chairman Award – Seasons of a Life (Malawi) – Dir: Dir:Charles Shemu Joyah
ZIFF Life Time Achievement Award – Hamid Vuai
UNICEF Award – Mother Unknown (Sudan) –Dir: Taghreed Alsanhouri
ZIFF Jury Award - Special Juror’s choice – African Tales (Tanzania) Producer:Imruh Bakari
- East African Talent – From a Whisper (Kenya) – Dir: Wanui
- Short/Animation – Warahutseho (Cameroon) Dir: Auguste Bernad Koueho
- Documentary - Bilal (India) – Dir: Sourav Sarangi
- Silver Dhow Award – Mon Histoire…Papy (DRC) Dir: Tunda Wa Munga
- Golden Dhow Award – Jerusalema (South Africa) Dir: Ralph Ziman

holiday inn yaibuka upya dar

2009-07-05T03:28:00.002+03:00

hoteli ya holiday inn ilipokuwa mawenzi ya zamani barabara ya samora avenue imeshafunguliwa na tayari kwa libeneke la makulaji na malazi.

FC Bongo yaibenjua TAS ya Tampere

2009-07-04T23:09:00.001+03:00

Timu ya FC BONGO ya helsinki leo imefuta majonzi ya kufungwa na kilimanjaro ya stockholm baada ya kuibamiza timu ya ndugu zao wa finland TAS ya mji wa tampere kwa goli 3-2.FC BONGO iliweza kuumudu mchezo kwa dakika zote tisini na kabla ya mapumziko walikua wakiongoza kwa magoli 2-0.

TAS ya Tampere iliweza kubebwa na refa ambaye ni shemeji ya mmoja wa wachezaji wao kwa kupewa penati tatu, penati mbili wakapata magoli na penati moja iliokolewa na kipa wa FC BONGO Steve Mashallah ambaye alikuwa ni nyota wa mchezo huo uliochezwa katika kiwanja cha mazoezi cha FC Bongo kijulikanacho kama (Vumbi Stadium).

Pichani Kipa wa Fc Bongo Steve Mashallah mwenye jezi ya orange akiokoa kona. Picha zaidi tunamuomba Edo Ndaki wa Tampere atushushie kwa michuzi.

Habari na Michuzi correspondant

Helsinki.

msaada tutani

2009-07-04T20:33:00.002+03:00

Michuzi na wadau

Naomba msaada wenu. Si unaujua ule wimbo wa

"Michael Jackson njoo...sitaki....kama hutaki nenda...''

naomba kama mnajua nani aliimba na jina la wimbo.

naomba sana msaada wenu mnisaidie hapa tutani.

Natanguliza shukurani mbele

Mdau

henry na angela wameremeta leo

2009-07-04T20:25:00.002+03:00

mdau henry kalunga na mai waifu wake angela hayuma baada ya kumeremeta leo asubuhi katika kanisa la mtakatifu petro jijini dar. wote ni wakazi wa melbourne, australia, na wapo bongo kwa vekesheni ya mai wedingi yao pamoja na fungate.
maharusi na wapambe wao - lusako na sarah

maharusi na wazazi wao

maharusi na wapambe wao wakielekea kwenye mnuso ubungo plaza

mdau na danny glover zenji

2009-07-04T14:55:00.003+03:00

Salaam toka ZIFF. Tunaendelea vizuri na kila siku tuonaonesha documentary za Dakika 7 za Matukio yote ya ZIFF. Na nimepata bahati ya kupiga picha na ZIFF special guest Bwana Danny Glover. Kwa wale ambao ungependa waone daily documentaries waende kwenye link hii http://www.zgfilms.com/events.html
Ahsante!

Ibrahim Matukuta

wabongo minnesota wawafunga wakwe 2-1

2009-07-04T09:16:00.002+03:00

kikosi cha Uganda(kina shemeji) Minnesota

kikosi cha timu ya Tanzania Minnesota

timu ya tanzania ikipata mawaidha wakati wa mapunziko chini ya kocha wao Peter

Na Mwandishi wako glob ya jamii Minnesota

Ile timu kabambe inayoundwa na vijana watanzania waishio Minnesota, jana ijumaa katika kusherehekea saba saba 2009 inayo sherehekewa kila mwaka 4th of july,ikicheza kwa ustadi na huku ikitandaza kabumbu la kisasa, iliweza kuibanjua timu ngumu ya kutoka Uganda inayoundwa na Waganda wanaoishio Minnesota.

mechi ilikua kali huku Tanzania ikiishambulia uganda takribani muda wote kipindi cha kwanza cha mchezo,na kama si jitihada za golikipa wa Uganda,Vijana hao Watanzania wangekua na karamu kubwa ya mabao.

ilikua kwenye dakika ya 25 ya kipindi cha kwanza Frank Lahinana(Ndombolo) aliipatia Tanzania bao la kuongoza baada ya gonga za hapa na pale na hatimae mpira kumfikia mfungaji aliepiga shuti kali la nyavu ndogo huku akimuacha golikipa wa uganda,Robert akigalagala chini asijue la kufanya na huku beki ya Uganda ikibaki ikilaumiana.

mpaka mapumziko vijana Watanzania walikua mbele kwa bao 1-0 dhidi ya Uganda,refa kutoka Cameroun aliimudu mechi ya jana vyilivyo,kunako dakika ya 37 ya kipindi cha kwanza alimtoa Renes mchezaji kutoka Uganda kwa kadi nyekundu baada ya kupiga ngumi mchezaji David Kinyaiya wa Tanzania beki wa kushoto ambaye alikua anakaba mpaka anawatia fowadi hasira.

kipindi cha pili kilianza taratibu huku Tanzani ikiendelea kutawala mchezo lakini umaliziaji ulikua butu,Kocha Peter wa Tanzania aliifanyia mabadiliko safu ya ushambuliaji ndipo alimtoa Ebra,Kevo na Frank na nafasi zao kuchukuliwa na Robert, Tom na Jerry Katope.

mabadiliko hayo yalionekana kuongeza nguvu na kasi ya ushambuliaji huku mshambuliaji Tuma akiinyanyasa ngome ya Uganda kama anavyotaka,na kunako dakika ya 74 ya mchezo supa sab Robert aliipatia Tanzania bao la 2 kwa kuunganisha krosi ya Tuma kutoka wingi ya kulia,mpira ambao ulianzia kwa beki ya kulia God aliyepanda na mpira na kumtanguliazia tuma aliyekimbia na mpira wingi ya kulia na kufuatwa na mabeki wa Uganda huku wakimsahau mfungaji akiwa peke yake na golikipa wa Uganda.

Tuma aliinua macho na kumwangalia mfungaji na kupiga krosi iliunganishwa na Rob kwa guu lake la kulia na kumuacha kipa akipishana nao.

baada ya bao hilo Kocha wa Uganda Noah alifanya mabadiliko ya kumtoa lyod na kumwingiza Henry mabadiliko hayo yaliongeza ya nguvu kwenye safu ya uganda na ndipo katika dakika ya 97 Kiojozi aliweza kuipatia Uganda bao la kufutia machozi,kwa pasi kutoka kwa Henry.

mpaka dakika 90 Tanzania 2-Uganda 1

marlaw akikupa 'rita'

2009-07-04T02:49:00.004+03:00

msanii anayetamba kwa sana hapa bongo kwa sasa, marlaw, anatupeleka kwa 'rita' katika kuthibitisha kwamba yeye ni moto wa kuotea mbali katika bongo fleva. hii ni kabla ya blockbuster yake ya 'pii pii' ambayo leo hii imekuwa kama wimbo wa taifa

msondo ngoma band yapeta na vyombo vipya

2009-07-04T00:21:00.003+03:00

kamanda muhidin maalim gurumo akiongoza msondo ngoma band ambayo kwa sasa inatamba na vyombo vipya na vya kisasa ambavyo walaji wa safari lager wamechangia upatikanaji wake. hapa ni katika banda la kizota bar ndani ya viwanja vya mwalimu nyerere barabara ya kilwa rodi ambapo hutumbuiza kila jioni wakati wa maonwsho ya sabasaba 2009
papaa saidi mabera kajificha kwa nyuma wakati romanus mng'ande romario na mwenzie wakipuliza midomo ya bata

vyombo vipya na ari mpya ndani ya msondo ngoma band

mkongwe shaaban lendi akiendeleza libeneke la msondo ngoma

vyombo vipya haviongopagi

fundi mitambo wa msondo ngoma kama analia vile kwa jinsi vyombo vipya vinavyomrahihishia kazi

vyombo kama vya michael jackson enzi za uhai wake

sauti ya msondo ngoma sasa inatisha kwa vyombo vipya

wadau wa TBL wakivinjari viwanja vya sabasaba

2009-07-03T23:57:00.002+03:00

wadau wa kampuni ya bia (TBL) wakivinjari viwanja vya sabasaba leo

wadau wa TBl wakiwa katika banda la Tanzania Distilleries Limited ambalo pia liko chini ya TBL ambapo linazalisha vilaji kadhaa ikiwa ni pamoja na Konyagi, Savannah, Valeur na vilaji vingine kibao

mnuso wa nguvu milton keynes julai 11, 2009

2009-07-03T23:33:00.000+03:00