malima kuagwa leo, kuzikwa jumatano

Marehemu Cassian Malima

Mwili wa aliyekuwa Mhariri wa HabariLeo, Cassian Malima (44), utaagwa leo na kusafirishwa kesho kwa mazishi mkoani Mara, imefahamika.

Kwa mujibu wa mdogo wa marehemu, Emmanuel Malima, Cassian, ambaye alifariki dunia juzi katika hospitali ya Aga Khan, Dar es Salaam, ataagwa nyumbani kwake Savannah, Tabata Mawenzi, kesho kuanzia saa 5 asubuhi.

Alisema baada ya shughuli hizo, mwili huo utapelekwa katika Uwanja wa Ndege wa Kimataifa wa Julius Nyerere, tayari kusafirishwa Jumanne kwenda Musoma, ambako atazikwa Jumatano.