mfungwa mwingine ala nondozzz gerezani ukonga

Mkuu wa Chuo Kikuu Huria Tanzania (OUT), Dk. John Malecela, akimtunuku Shahada ya Kwanza ya Sheria, mfungwa katika Gereza la Ukonga, Ernest Michael, wakati wa mahafali ya 21 ya chuo hicho, yaliyofanyika kwenye viwanja vya Kikosi Maalum cha Jeshi la Magereza huko Ukonga jijini Dar leo. Wengine pichani ni Waziri wa Mambo ya Ndani Mh. Lawrence Masha na Kamishna Mkuu wa Magereza Afande Nanyaro.

Bw. Semayoga Ernest anakuwa mfungwa wa pili kutoka gereza la ukonga kula nondozza, baada ya baada ya mfungwa wa kwanza Haruna Mgombela aliyekula nondozz za chuo hicho mwaka 2007.

Hizi ni juhudi za pamoja kati ya jeshi la magereza kupitia Wizara ya mambo ya ndani pamoja na wadau mbalimabli nchini katika kuwasaida wafungwa kubadili tabia wakiwa gerezani na kuhakikisha kuwa wanatoka wakiwa wema na wenye manufaa na walio tayari kujenga tiafa katika jamii zao.

Jeshi la Magereza kupitia Wizara ya Mambo ya ndani pamoja na chuo kikuu huria cha Tanzania vina mpango wa kujenga maktaba ndogo katika gereza la Ukonga pia kupita katika magerza yote nchini na kuwahamasisha wafungwa pamoja na askari magereza wajiunge na chuo hicho ikiwa ni katika kuwatoa katika dimbwi la upungufu wa elimu na kutekeleza kwa vitendo kauli mbiu ya serikali inayosema 'maisha bora kwa kila mtanzania'.