libeneke jipya la quantum physics

Hii ni blogu yenye mtazamo wangu na sayansi ya fizikia ya kiatomiki..(kama nitakuwa nimepatia) nina maana ya quantum physics. nataka kuamsha changamoto kwa wenye vichwa vya sayansi walioko katika vyuo vikuu vya Afrika kwa ujumla kwasababu waafrika tumekuwa watumizi wakubwa wa teknolojia na hivyo kutufanya sie kuwa ni soko kubwa kwa makampuni ya nje kuanzia mambo ya vifaa vya mawasiliano na hata vifaa vya matumizi ya nyumbani, mashambani, mahospitalini na kila mahala. tunachokosa ni ufahamu wa ndani wa teknolojia hizo. sizungumzii jinsi ya kuripea simu ama friji lako likiharibika bali misingi hasa ya teknolojia hizo. lengo langu ni kuwasha moto wa fikra kwa wasomi wetu walioko Afrika na kwengineko duniani tuweze kujiunga na kumiliki japo sehemu ya ukuaji wa teknolojia hizi. ahsante.

Mdau Mwanafunzi.
Me and Quantum physics
http://i-quantumphysics.blogspot.com

---------------------------------
Globu ya Jamii inatoa pongezi kwa mdau mwanafunzi kwa hatua hii ya kuanzisha libeneke ambalo sio la habari na matukio bali la fani anayosomea. Ni changamoto nzuri kwa wote wenye nia ya kuanzisha libeneke, kwani kuna dhana kwamba libeneke ni kwa ajili ya habari na matukio tu. kumbe unaweza kuzungumzia mambo kibao unayoyajua bila kuwa na hofu ya kuishiwa matirio ama kukopi na kupesti mambo ya wengine na kuua maana ya libeneke.

Hongera sana natumai wadau wengine wataiga mfano wako na kuanzisha libeneke la mambo tofauti tofauti.
-Michuzi