TAARIFA RASMI KUTOKA KWA KAMATI YA JUMUIYA NA USULUHISHI WA MIGOGORO

Kufuatia mgogoro  wa kisiasa, jaribio la kumtoa madarakani Raisi wa Jamhuri ya Burundi, Pierre Nkurunziza na maelfu ya wananchi wa nchi hiyo kukimbilia nchi jirani za Tanzania na Rwanda. Hali ya kambi zinazopokea wakimbizi zinaonekana kuelemewa na kupelekea kuhatarisha hali za wakimbizi hao.

Kutokana na hali hiyo, Bunge la Afrika ya Mashariki kupitia kamati yake ya Masuala ya Jumuiya na Usuluhishi wa Migogoro imeteua wajumbe watakaokwenda kutembelea kambi hizi zilizopo Kigoma-Tanzania na Mashariki mwa nchi ya Rwanda kwa madhumuni yafuatayo;

1.     Kujiridhisha na hali ya mazingira ya kambi hizo na kuangalia mipango kutatua mgogoro huo.

2.     Kuangalia na kutimiza jukumu la Bunge la Afrika Mashariki kupata suluhisho la kudumu la mgogoro ulioko sasa nchini Burundi.

3.     Kuwatemebelea na kuwafariji wananchi wote wa Burundi walioko kwenye kambi hizo.

Wajumbe wa kamati teule wamegawanyika katika makundi mawili, wajumbe watakaokwenda Kigoma-Tanzania wataongozwa na Mhe. Abdullah Mwinyi ambae ni menyekiti wa kamati hiyo na wajumbe watakaokwenda Mashariki mwa Rwanda wataongozwa na Mhe. Abubakar Zein.

Imetolewa na;

Mhe. Abdullah Mwinyi

(Mwenyekiti wa Kamati ya masuala ya Jumuia na Usuluhishi wa Migogoro)