Waziri wa Biashara, Viwanda na Masoko Mh. Amina Salum Ali kwa mujibu wa sheria ya kusimamia mfumo wa Utoaji Leseni za Biashara Nam. 13 ya mwaka 2013 amewateua maafisa 12 kuwa wajumbe wa Baraza la kusimamia mfumo wa utoaji leseni za Biashara Zanzibar. 

Uteuzi wa wajumbe wa kusimamia mfumo wa utoaji leseni za Biashara unafuatia uteuzi wa Mwenyekiti wake uliofanywa na Rais wa Zanzibar na Mwenyekiti wa Baraza la Mapinduzi Dkt. Ali Muhamed Shein. 

Kwa mujibu wa taarifa iliyotolewa na Katibu Mkuu Wizara ya Biashara, Viwanda na Masoko wajumbe walioteuliwa ni Hussein Migoda Mataka kutoka Wizara ya Fedha na Mipango, Ashura Mrisho Haji kutoka Wizara ya Habari, Utalii Utamaduni na Michezo na Amour Ali Mussa kutoka Ofisi ya Rais Tawala za Mikoa na Idara Maalum za Serikali. 

Wengine ni Hajar Idrisa Haji wa Ofisi ya Rais Katiba, Sheria, Utumishi wa Umma na Utawala Bora. Abeida Rashid Abdalla wa Baraza la Taifa la Watu Wenye Ulemavu, Rashid Ali Salim Katibu Mtendaji Baraza la Kusimamia Mfumo wa Utoaji Leseni za Biashara na Omar Said Shaaban kutoka Jumuiya ya Wafanyabiashara, Wenye Viwanda na Wakulima (ZNCCIA) 

Wajumbe wengine wa Baraza hilo ni Khamis Salum Ali kutoka ZNCCIA, Mohamed Salim Mohamed wa Jumuiya ya Watembeza Watalii (ZATO), Salmin Sharif Khatib wa Wizara ya Biashara, Viwanda na Masoko, Abdulaziz Hamid Mahmoud na Fatma Mussa Magimbi kutoka sekta binafsi. 

Uteuzi huo umeanza tarehe 24 August 2016. 

IMETOLEWA NA HABARI MAELEZO ZANZIBAR

Michuzi Blog

Tanzanian blog operating since 2005, covering International news and Local News, including Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers.

Toa Maoni Yako:

0 comments so far,add yours

Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...