THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

YANGA YAILAZA MO BEJAIA BAO 1-0 JIJINI DAR ES SALAAM

TIMU ya Yanga yenye makao yake Mtaa wa Twiga na Jangwani imefanikiwa kupata ushindi wake wa kwanza katika Mashindano ya Kombe la Shirikisho, baada ya kupata goli 1-0 lililofungwa na Mchezaji wa kimataifa kutoka nchini Burundi, Amisi Tambwe dakika ya tatu ya mchezo dhidi ya Timu ya Mo Bejaia ya nchini Algeria, mechi iliyofanyika kwenye uwanja wa Taifa, Jijini Dar es salaam.
Akizungumza baada ya kupata ushindi huo, Kocha Mkuu wa Yanga, Hans Van De Pluijm amesema ushindi huu umempa nguvu katika kuelekea mchezo unaofuata dhidi ya TP Mazembe.
Pluijm amesema kuwa, wachezaji wake wamecheza vizuri sana na wameweza kulinda goli katika dakika zote ingawa kuna makosa madogo madogo yaliyojitokeza ila anawapa hongera kwa jitihada walizozifanya. 
 Naye Nahondha wa Yanga, Vicent Bossou amesema wamefanya kazi kubwa sana katika kuhakikisha wanatoka ushindi na wamecheza timu nzuri sana yenye uzoefu wa muda mrefu wa michuano ya kimataifa ila anawapongeza pia wachezaji wenzake kwa jitihada walizozifanya.
Baada ya ushindi huo Yanga wanaendea kusalia katika nafasi ya nne wakiwa na alama nne huku mchezo kati ya Mazembe na Medeama ukitarajiw kuchezwa kesho nchini Ghana. 
 Mshambuliaji wa Yanga, Obren Chirwa akiwa katikati ya Mabeki wa Timu ya Mo Bejaia.
 Washabiki wa Timu ya Yanga wakiishangilia timu yao baada ya kupata ushingi dhidi ya Timu ya Mo Bejaia ya Algeria, katika Mechi ya Kombe la Shirikisho iliyopigwa jioni hii kwenye Uwanja wa Taifa, Jijini Dar es salaam. Yanga imeshinda Bao 1-0.