THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

STARTIMES KUONYESHA MICHUANO YA ULAYA KUWANIA KUFUZU KOMBE LA DUNIA 2018



Na Dotto Mwaibale
MATAIFA 54 ya Barani Ulaya siku ya Jumapili hii yatashuka dimbani katika harakati za kuwania nafasi ya kufuzu ili kuungana na mwenyeji nchi ya Urusi katika michuano ya kombe la dunia itakayofanyika nchini humo mwaka 2018.
Akitoa taarifa hiyo ya kusisimua kwa mashabiki wa soka nchini Makamu wa Rais wa StarTimes Tanzania,  Zuhura Hanif amesema kuwa hii ni habari njema kwa wateja wetu na watanzania kwani wataweza kufuatilia kwa ukaribu kabisa mechi zote moja kwa moja kwenye runinga zao.
“Michuano ya kuwania tiketi ya kufuzu kwenye kombe la dunia itakayofanyika nchini Urusi mwaka 2018 kwa nchi za Ulaya itakuwa ni yenye ushindani mkubwa ukizingatia ubora wa timu na wachezaji wake. Kwenye michuano hii mashabiki wataweza kujionea moja kwa moja mabingwa watetezi Ujerumani watakapoanza safari yao ya kulitetea kombe hilo kwa kuvaana na Norway. 
Pia macho ya wapenzi wengi wa soka watapenda kuiona Uingereza ikiwa chini ya kocha wake mpya Sam Allardyce watakaposhuka dimbani kucheza na Slovakia.” Alisema Hanif
“StarTimes inayofuraha kuwataarifu watanzania kwamba mechi zote za michuano hii zitaonekana moja kwa moja kupitia chaneli zetu mahususi kabisa za michezo ambazo ni Sports Focus, Sport Arena, World Football, Sport Arena na Sport Premium. 
Tunafahamu ya kwamba soka ni mchezo unaopendwa sana hapa nchini, na sisi tupo katika kuhakikisha kuwa hilo linawezekana kwa gharama nafuu kabisa.” Aliongezea Hanif
Mabingwa wa kombe la EURO mwaka 2016 timu ya Ureno nayo itashuka dimbani siku ya Jumatatu ya Septemba 5 kwenye mchezo wa kundi B dhidi ya Uswisi jijini Basel bila ya nahodha wake Christiano Ronaldo ambaye bado anauguza jeraha la goti ambalo lilimfanya atolewe kwenye kipindi cha kwanza kwenye fainali za EURO zilizofanyika nchini Ufaransa.
“Michezo na burudani ni maudhui ambayo tunayatilia sana maanani StarTimes na ndiyo maana kila kukicha tunazidi kuongeza zaidi. Wateja wetu kwa malipo ya gharama nafuu kabisa ya mwezi wataweza kutazama mechi zote za michuano hii moja kwa moja kwenye chaneli tano tulizonazo mahususi kwa michezo pekee. 
Ninawaomba watanzania kuichangamkia hii fursa kwa kujiunga nasi na kufurahia kwa pamoja mchezo wa soka kupitia visimbuzi vyetu,” alihitimisha Hanif.