THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

TAASISI 10 ZA SERIKALI ZIMEFANYA CHINI YA KIWANGO YA SHERIA YA MANUNUZI YA PPRA.

  Mwenyekiti wa Bodi ya PPRA, Balozi Matern Lumbanga akizungumza na waandishi wa habari juu ya ukaguzi waliofanya katika taasisi za serikali katika kufuata sheria ya manunuzi leo jijini Dar es Salaam.
 Baadhi ya waandishi wa habari wakimsikiliza Mwenyekiti wa Bodi ya PPRA, Balozi Matern Lumbanga jijini Dar es Salaam leo.

Na  Yassir Adamu, Globu ya Jamii.
RIPOTI ya Ukaguzi kwenye manunuzi ya umma ya mwaka wa fedha 2015/2016 uliofanywa na mamlaka ya Udhibiti wa Manunuzi ya Umma (PPRA) unaonyesha taasisi  10  nunuzi  zimefanya  manunuzi chini ya kiwango kisichoridhisha chini ya asimia 60.

Akizungumza na waandishi wa habari jijini Dar es Salaam, Mwenyekiti wa Bodi ya PPRA, Balozi Matern Lumbanga amesema taasisi hizo zimefanya chini ya kiwango katika kufanya manunuzi  yake  kwa  mujibu wa sharia ya manunuzi.

Amesema jumla ya PPRA imefanya  jumla ya mikataba 21,313 ya manunuzi yenye thamani ya sh.Trioni 1.05 katika ujenzi ,vifaa, huduma ushauri wa kitaalam .huduma zilizohitaji mikatba ya ushauri wenye thamani ndogo  pamoja na mikataba yenye makubaliano maalum.

Balozi Lumbanga amezitaja taasisi zilizofanya chini ya kiwango ambazo ni Taasisi ya Uzalishajin (NIP), Dar es Salaam Rapid Transist (DART), Mamlaka ya Mawasiliano Tanzania (TCRA), Makumbusho ya Taifa, Halmashauri ya Jiji la Dar es Salaam, Halmashauri ya Jiji la Mwanza, Kampuni ya Reli Tanzania (TRL), Taasisi ya Mifupa (MOI), Halmashauri ya Manispaa ya Msoma pamoja na Mamlaka ya Maji Safi na Maji taka Bukoba (Buwasa).  

Amesema mikataba 122 ya ukusanyaji wa mapato iliyokaguliwa kwenye mamlaka tisa ya serikali za mitaa kwa mujibu wa mikataba iliyokaguliwa imebainika kuwa na mapungufu kadhaa katika usimamizi wa mikataba hiyo na kufanya halmashauri kushindwa kukusanya kiasi cha sh. Milioni 761.54.

Aidha Balozi Lumbanga amesema kuwa kushindwa kukusanya mapato hayo Halmashauri zimesababisha hasara halmashauri hizo zimeshindwa kuchukua hatua zozote dhidi ya wazabuni waliopewa miradi kutokana mikataba walioingia.