THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

WADAU MBALIMBALI WAENDELEA KUTOA MISAADA KWA WAATHIRIWA NA TETEMEKO LA ARDHI MKOANI KAGERA

Na Editha Karlo wa blog ya jamii ,Kagera.

WADAU mbalimbali wanaendelea  kutoa misaada kwa wahanga wa tetemeko la ardhi Mkoani Kagera lililotokea septemba 10 mwaka huu.

Bank ya NMB imetoa msaada kwaajili ya wahanga wa tetemeko wa bando 45 za mabati,tani 20 cementi na misumari mabegi 10 vyote vikiwa na thamani ya shilingi milioni 20.

Akikabidhi msaada huo kwa Mkuu wa Mkoa wa Kagera Meja jenerali mstaafu Salum Kijuu, Domina Feruzi Mkuu  kitengo cha huduma za kibenki kwa serekali alisema kuwa Bank ya NMB inawapa pole wahanga wote wa tetemeko la ardhi na ipo pamoja nao katika kipindi hiki kigumu.

"Tunawapa pole waathiriwa na tetemeko la ardhi,tumewaletea msaada huu,lakini tutaendelea kushirikiana zaidi"alisema Domina

Pia  makampuni ya Bakheresa (SSLB) nayo yalikabidhi msaada wa vitu mbalimbali kwa Mkuu wa Mkoa wa Kagera vyenye thamani ya shilingi milioni 100.

Akikabidhi msaada huo kwa niaba ya Mkurugenzi mkuu wa SSLB, Tido Muhando alisema kuwa wameguswa na maafa yaliyotokea na hivyo na wao wameamua kutoa msaada kwa wathiriwa hao.

"Tumetoa msaada wa vifaa vya ujenzi na chakula vyenye thamani ya shilingi milioni 100 kwa ajili ya wahanga wa tetemeko la ardhi"alisema Tido

Baada ya kupokea  misaada hiyo Mkuu wa Mkoa wa Kagera Meja Jenerali mstaafu Salimu Kijuu aliwashukuru kwa misaada hiyo,na kuwataka wadau mbalimbali kuendelea kutoa misaada kwani bado wahanga wanahitaji.


Sehemu ya msaada uliotolewana bank ya NMB kwaajili ya wahanga wa tetemeko Mkoani Kagera
Tido Muhando akitoa maelezo kwa Mkuu wa Mkoa wa Kagera kabla ya kukabidhi msaada wa wahanga wa tetemeko la ardhi.
Mkuu wa Mkoa akimshukuru Tido Muhando kwa msaada uliotolewa na kampuni ya SSLB kwaajili ya wahanga wa tetemeko la ardhi.
Mkuu wa kitengo cha huduma za kibenki kwa serekali kutoka NMB makao makuu Domina Feruzi akitoa maelezo kabla ya kukabidhi msaada kwa mkuu wa Mkoa wa Kagera kwaajili ya wahanga wa tetemeko la ardhi.


Hoja moja imeshachangiwa mpaka sasa.

  1. Anonymous Anasema:

    Nashauri misaada yote ya vifaa vya ujenzi iratibiwe na ofisi ya mkuu wa mkoa na JWTZ, Magereza pamoja na JKT waingie kazini kusaidia ujenzi wa nyumba za waathirika