THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

WANAFUNZI WA KISARAWE NA TABORA KUPATA MADAWATI KUPITIA KAMPENI YA SIMAMA KAA DESK INAYOFANYWA NA TAASISI YA DR.AMON MKOGA

Mwenyekiti wa Dr. Amon Foundation Bw. Amon Mkoga  ametoa mchango wa madawati  katika kampeni ya uchangiaji madawati  kwa udhamini wa mtandao wa simu za mkononi wa Halotel hii leo katika ukumbi wa Idara ya Habari  Maelezo jijini Dar-es-Salaam.

Akizungumza na waandishi wa habari Amon Mkoga amesema kuwa ili kumuunga mkono Rais wa Jamhuri ya Muungano ya Tanzania Dr. John Pombe Magufuli ,wameandaa kampeni ya “Simama Kaa Desk” Kampeni.,  itakayosaidia kupunguza uhaba wa madawati mashuleni.

“Lengo kubwa la kampeni hii ya “Simama Kaa Desk”   ni kuchangia na kupunguza upungufu  wa madawati katika shule za msingi na sekondari  ili kumuunga mkono rais wa  Tanzania Dk. John Pombe Magufuli, Kampeni hiyo  itaanzia katika mkoa wa Tabora na Pwani.”

Aidha afisa mawasiliano wa Halotel Stella Pius amesema kuwa Halotel itakuwa pamoja na Dr Mkoga Foundation kuhakikisha kwamba watakuwa bega kwa bega ili kuwasilisha mchango wa madawati katika elimu.

Licha ya hayo pia kutakuwa na burudani ya muziki wakati wa kukabidhi madawati hayo ambayo italetwa na  kundi la muziki wa kizazi kipya la Mabaga Fresh la jijini Dar es salaam.
Mwenyekiti wa Taasisi ya Dr. Amon, Amon Mkoga (katikati) , Ngo Duy Truong Meneja Masoko Halotel, Kushoto na Stella Pius Meneja Mawasiliano wa Halotel wakiwa kwenye mkutano na waandishi wa habari katika Ukumbi wa idara ya habari Maelezo, jijini Dar es salaam.