BMT WAUCHINJIA MBALI MKATABA WA MANJI NA YANGA.

Na Zainab Nyamka, Globu ya Jamii.

BARAZA la michezo Tanzania (BMT) limetangaza kutoutambua Mkataba wa ukodishwaji wa klabu ya Yanga kwa kuwa ni kinyume na katiba ya klabu hiyo.

Katibu Mkuu wa BMT, Mohammed Kiganja amesema kuwa mkataba huo kati ya Baraza la Wadhamini wa Yanga na kampuni iliyoikodi klabu hiyo, haukufuata taratibu.

"Ili Yanga iweze kubadili jina na kuitwa Yanga Yetu ni lazima ipite kwa msajili. Wao hawajaenda kwa msajili wanaanza kutangaza jina jipya. Huko ni kupinga katiba," amesema Kiganja.

Baraza limeagiza klabu kutunia vikao mbalimbali vinavyotambulika kikatiba na viitishwe kuzingatia kanuni na taratibu ambapo kamati ya utendaji inatakuwa kukaa na kujadili jambo hilo kama lina faida au hasara.

Na wakishamaliza kulijadili waandike muhtasari na kuupeleka katika ngazi ya juu ya klabu waliangalie na baadae kufanya mabadiliko ya katiba na kisha kuisajili ili kuweza kuingia kwenye mfumo mpya.

Kiganja amesema kuwa kutokana na utaratibu walioutumia Yanga hautambuliki na hawataza kutambua mabadiliko hayo.