THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

DC KISHAPU APIGA MARUFUKU UKATAJI MITI

Mkuu wa Wilaya ya Kishapu mkoani Shinyanga, Nyabaganga Taraba amepiga marufuku ukataji miti kwa ajili ya mbao na mkaa na kuagiza kila kaya kupanda miche 10 ya miti. Alitoa agizo hilo jana wakati akizindua kampeni ya upandaji miti kiwilaya iliyofanyika Kijiji cha Mwatuju Kata ya Shagihilu ambapo jumla ya miti 91,000 tayari imepandwa tangu msimu wamvua kupanda ndani ya kata 13 vijiji 28 imepandwa kwa ushirikiano na wadau wa mazingira.

Taraba alionya kuwa kaya isiposhiriki katika zoezi la upandaji miche ya miti mbalimbali itachukuliwa hatua kali ikiwemo kutakiwa kulipa faini. Alisema ukosefu wa mvua unatokana na kukosekana kwa miti na kuwa shughuli za kimaendeleo zinakwama ikiwemo wananchi kushindwa kulima mazao ya chakula na hata biashara.

“Hali hii inatokana na ukosefu wa miti, Kishapu hakuna mkaa wala mbao kwa hiyo ni marufuku kukata miti mpande miti mwezi wan ne tutakagua, atajayeshindwa atalipa faini shilingi elfu hamsini na tutazikusanya ili tuandae vitalu vya mwaka kesho,” alisisitiza.

Taraba ambaye pia ni mwenyekiti wa Kamati ya Ulinzi na Usalama Wilaya alishangazwa na madai ya baadhi ya wananchi kuwa miti inaleta wanyama aina ya fisi na kuwataka waache uoga.

Kwa upande mwingine alikemea tabia ya baadhi ya wafugaji kunyweshea mifugo kwenye vyanzo vya maji hali inayosababisha miti kushindwa kuota ambapo aliwataka wafuge kwa ustaarabu.  
Kiongozi huyo aliongeza kwa kusema kuwa miti ina faida nyingi ikiwemo vivuli wakati wa mikutano au sehemu za kupumzikia, matunda na kukuza uchumi katika wilaya hiyo. 

“Tumehangaika sana wenzetu wanapata mvua sisi hatupati mvua hiyo ni kutokana na kwamba hatuna nidhamu ya utunzaji miti hivyo ni lazima tupande miti ituletee hewa nzuri na mvua,” alisisitiza.
aliwashukuru wadau Shirika lisilo la kiserikali linalojishughulisha na utunzaji mazingira TCRS na mgodi wa Almasi wa Mwadui Williamson kwa kushiriki kikamilifu katika zoezi hilo.

Kwa upande wake Kaimu Mkurugenzi wa Halmashauri ya Wilaya ya Kishapu, George Kessy aliwataka wananchi waone umuhimu wa upandaji miti na kusema kuwa ndiyo uhai. Kessy ambaye pia ni Afisa Kilimo, Umwagiliaji na Ushirika Wilaya aliwataka wananchi kushiriki kikamilifu katika upandaji miti na ili isaidie katika kuleta mvua.

 Alisema kuwa mvua inaponyesha inasaidia wakulima katika kuotesha na kukuza kilimo cha mazao mbalimbali na hivyo kuleta chakula na kukuza uchumi wa wilaya hiyo.
Mkuu wa Wilaya ya Kishapu mkoani Shinyanga, Nyabaganga Taraba akipanda mti katika Kijiji cha Mwatuju Kata ya Shagihilu alipozindua kampeni ya upandaji miti kiwilaya jana.
Mwenyekiti wa Halmashauri ya Wilaya ya Kishapu, Boniphace Butondo akizungumza.
Wajumbe wa Kamati ya Ulinzi na Usalama wakiwa na Mkuu wa Wilaya ya Kishapu, Nyabaganga Taraba.