THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

MSAFIRISHA WAHAMIAJI HARAMU ATIWA MBARONI HUKO BAGAMOYO

Kamanda wa Polisi Mkoa wa Pwani
SACP Onesmo Lyanga
Na Mwamvua Mwinyi, Bagamoyo 

JESHI la polisi mkoani Pwani, linamshikilia Amiri Alalae (26) mkazi wa Toptop, wilaya ya Bagamoyo kwa kosa la kusafirisha wahamiaji haramu 30 raia wa nchini Ethiopia. 

Kamanda wa polisi mkoani humo, Onesmo Lyanga, alisema tukio hilo limetokea april 13 majira ya saa kumi usiku huko maeneo ya Kilomo kata ya Kilomo tarafa ya Yombo. 

Alieleza kuwa askari wa jeshi la polisi waliokuwa kwenye doria maeneo mbalimbali ya wilaya ya Bagamoyo walifanikiwa kuwakamata wahamiaji haramu hao wakiwa wameingia nchini bila kibali. 
"Wakiwa wamepakiwa kwenye gari lenye namba za usajili T. 824 DFG  aina ya Town hiace pickup lililokuwa likiendeshwa na Amiri Alalae "alisema kamanda Lyanga. 
Kamanda Lyanga alisema, wahamiaji waliingia nchini kwa njia ya majini wakitumia majahazi na kushukia maeneo ya bandari bubu ya Jitu Kuu kutoka nchi jirani ya Kenya. 
Alisema watawakabidhi kwa idara ya uhamiaji ili waweze kuchukuliwa hatua za kisheria. Kamanda huyo alitoa rai kwa wananchi hasa madereva kuacha tabia ya kusafirisha wahamiaji haramu kwa lengo la kujiongezea kipato. 
Alisema kwa kufanya hivyo ni kinyume cha sheria na kamwe hawatakuwa na muhali na wale wote wanaofanya biashara hiyo ndani ya mkoa wa Pwani.