THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

Emmanuel Macron ashinda kwa kishindo kiti cha urais Ufaransa


Na Sultani Kipingo
Emmanuel Macron (pichani) leo ameshinda kwa kishindo kinyang'anyiro cha Urais wa Ufaransa na kumweka kando Marine Le Pen kwenye mbio hizo za kuingia Ikulu ya nchi hiyo.
Kwa mujibu wa Wizara ya Mambo ya Ndani ya Ufaransa, Macron kashinda kwa kupata asilimia 64.78 za kura dhidi ya mpinzani wake Le Pen aliyeambulia asilimia 35.22 za kura. 
Akiwa na umri wa miaka 39, Macron anakuwa kiongozi kijana zaidi kutawala nchi hiyo tangia enzi za utawala wa Napoleon Bonaparte.
"Nimempigia simu Emmanuel Macron usiku huu kumpongeza kwa kushinda kiti cha urais wa Jamhuri ya Ufaransa, " rais anayemaliza muda wake Francois Hollande amesema katika taarifa yake.
Rais Hollande amesema ushindi wa kishindo wa Macron unathibitisha kwamba raia wengi wa Ufaransa wanakubaliana na mustakabali wa Jamhuri hiyo na kuthibitisha uungaji mkono wa Jumuiya ya Ulaya - ambayo Le Pen alikuwa ametangaza kufikiria kujitenga.Mama huyo pia alikuwa anapiga vita sana sera za uraia za Ufaransa ambapo alisema endapo atachaguliwa ataangalia namna ya kuzuia wahamiaji na wakimbizi kukanyaga nchi hiyo.
Marine Le Pen amekubali matokeo na kumpongeza Macron kwa ushindi wake mnono wa kupata asilimia 31 ya kura zaidi ya zake.