THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

JK Afanya Ziara Mashariki mwa Libya

Rais Mstaafu na Mjumbe Maalum wa Umoja wa Afrika katika Usuluhishi wa Mgogoro wa Libya, Dkt. Jakaya Mrisho Kikwete amefanya ziara Mashariki mwa Libya tarehe Mei, 11 2017.

Katika ziara hiyo, Rais Mstaafu Kikwete amekutana na Spika wa Baraza la Wawakilishi (House of Representative), Agila Saleh Essa Gwaider  nyumbani kwake Al-Qubba, Libya.

Katika mazungumzo yao, Rais Mstaafu amemuhakikishia utayari wa Umoja wa Afrika kushirikiana na pande zote za Libya kuwezesha kufikiwa kwa suluhu ya kudumu. Amempongeza kwa dhamira na utayari wake wa kutafuta suluhu kwa njia ya mazungumzo katika muktadha wa Mkataba wa Amani wa Libya (Libya Political Agreement).

Kwa upande wake, Spika Aguila amemshukuru Rais Mstaafu Kikwete kwa kufanya ziara kwa mara ya kwanza Mashariki mwa Libya tokea kutokea kwa mapinduzi nchini humo. Ameelezea imani yake kubwa kwa Umoja wa Afrika na mchango wake katika kutafuta suluhu ya kudumu ya tofauti zilizopo miongoni mwa wadau wa siasa wa Mashariki na Magharibi mwa Libya. Amemuhakikishia Rais Mstaafu utayari wake na wenzake wa kupitia upya baadhi ya vipengele vya Mkataba kwa lengo la kuuimarisha na si kuandikwa kwa Mkataba mpya.
Rais Mstaafu na Mjumbe Maalum wa Umoja wa Afrika katika Usuluhishi wa Mgogoro wa Libya, Dkt. Jakaya Mrisho Kikwete akiwa pamoja na Spika wa Baraza la Wawakilishi Libya (House of Representative),Agila Saleh Essa Gwaider baada ya mazungumzo yao.