THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

SERIKALI YASISITIZA KUKAMATWA KWA ALIYEMJERUHI MTOTO KWA KOSA LA KUDOKOA CHAKULA

Wizara ya Afya, Maendeleo ya Jamii, Jinsia, Wazee na Watoto, imelaani vikali kitendo cha mtoto wa miaka mitatu (jina limehifadhiwa), mkazi wa kata ya Rudete mkoani Geita, aliyeelezwa kwamba amejeruhiwa na mama wa kambo kwa kuchomwa moto mwilini akituhumiwa kuiba chakula alichobakiziwa baba yake.

Wizara imesikitishwa na tukio hili maana linakinzana na kaulimbiu ya Madhimisho ya Siku ya Kimataifa ya Familia kwa mwaka 2017, ambayo pamoja na mambo mengine,  inasisitiza wazazi na walezi, kuhakikisha wanatekeleza wajibu wao wa kuimarisha malezi kwa ajili ya ustawi wa watoto katika familia na jamii kwa ujmla.

Katika kutekeleza utoaji wa haki za Mtoto na ustawi wake, wadau wote wanaotoa huduma kwa mtoto wanasisitizwa kusimamia upatikanaji wa haki zote za msingi katika familia na jamii, ikiwemo haki ya kuishi, kulindwa, kuendelezwa, kushirikishwa na kutobaguliwa. 

Wizara inawaomba wananchi kote nchini kutoa ushirikiano katika kuwafichua wanaotenda vitendo vya unyanyasaji dhidi ya watoto kwa kutoa taarifa kwenye mamlaka husika, ili kuhakikisha wahusika wa vitendo vya ukatili wanachukuliwa hatua.

Napenda kutoa maelekezo kwa Maafisa Maendeleo, Ustawi wa Jamii wa kuhakikisha kuwa mtoto huyo anapatiwa huduma ya matibabu haraka ili kumrejesha katika afya njema. 

Kwa vile, jukumu la ulinzi na usalama wa mtoto linatekelezwa kwa ushirikiano mkubwa wa Polisi, tunaamini kuwa suala hili litafuatiliwa kuhakikisha kuwa watuhumiwa wa vitendo hivi vya ukatili na unyanyasaji dhidi ya huyo mtoto mdogo wanapatikana.  

Azma ya Wizara yenye dhamana ya Watoto, ni kuhakikisha kuwa familia zinaendelea kuwa kitovu cha upatikanji wa haki, ustawi na maendeleo kwa maslahi ya watoto wetu.