THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

RC TABORA ASISITIZA VITAMBULISHO KWA WATU WOTE WALIOPO KATIKA ENEO LA MACHIMBO YA KITUNDA.

Na Tiganya Vincent-RS-Tabora

Mkuu wa Mkoa wa Tabora Bw. Aggrey Mwanri amuagiza Uongozi wa Halmashauri ya Wilaya ya Sikonge kushirikana na Kampuni zenye leseni ya uchimbaji madini ya dhahabu kuhakikisha wachimbaji wadogo wadogo na wafanyabiashara waliopo eneo la machimbo ya dhahabu ya Kitunda wanapatiwa vitambulisho kwa ajili ya kuimarisha usalama na utambuzi wao wakati wakifanya shughuli hiyo.

Bw. Mwanri alitoa kauli hiyo jana alipokuwa akizungumza na Watendaji wa Halmashauri ya Sikonge na viongozi wa Kampuni zote zilizopewa leseni ya uchimbaji madini ya dhahabu katika eneo la Kitunda.

Alisema kuwa hatua hiyo inalenga kuwatambua wachimbaji wadogo wadogo na wafanyabiashara  wote walioajiriwa na wale waliojiajiri  ili kuepuka mgongano ambayo umekuwa ukijitokeza kwa baadhi ya wachimbaji wadogo wadogo kuvamia machimbo ya wenzao wanaposikia yana dhahabu na hivyo kusababisha mrundikano wa watu wengi katika shimo moja na kuhatarisha usalama wao.

Mkuu huyo wa Mkoa aliongeza kuwa vitambulisho hivyo pia vitasaidia kuwatambua wachimbaji wadogo wadogo wa Kampuni moja na nyingine  ili kuepuka vurugu.

Alisema kuwa kabla ya zoezi hilo kufanyika ni vema uongozi wa Halmashauri na Kampuni zote uwe na taarifa sahihi za mhusika ikiwa ni pamoja na mahali alipozaliwa na uraia wake ili kuepuka kutoa ajira kwa wageni badala wachimbaji wadogo wadogo wa Kitanzania.

Bw. Mwanri alisema mtu asianze kazi za uchimbaji kabla ya kusajiliwa katika daftari kubwa na lile na mitaa ili Serikali ijue ni nani waliopo hapo na wanatoka wapi katika nchi hii ya Tanzania.