THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

TUMESHAKABIDHI RIPOTI KWA UONGOZI, TUNASUBIRI MAJIBU TUANZE KAMBI - KOCHA MTIBWA

Na Zainab Nyamka, Globu ya Jamii.

KOCHA msaidizi wa timu ya Mtibwa Zuberi Katwila amesema kuwa kwa sasa anasubiri maamuzi ya Mwenyekiti wa klabu hiyo baada ya kumkabidhi ripoti ya mwaka mzima ya kikosi hicho.

Akizugumza na Mtandao huu, Katwila amesema kuwa ameshakabidhi ripoti kwa Uongozi wa klabu hiyo  na wanatarajiwa kuanza maezoezi Julai mosi mwaka huu kwa ajili ya maandalizi ya msimu mpya wa 2017/18.

Katwila amesema, hawezi kuweka wazi ni wachezaji gani watakaoachwa ila ripoti nzima imeweka wazi wachezaji wanaohitajika kuachwa na sababu zao kwani kila mmoja amewekewa muda aliocheza na alicheza katika kiwango cha juu au chini.

"kila mchezaji ameainishwa katika ripoti katika vipengele tofauti kama aliweza kucheza kwa muda gani na kwa kiwango gani, mbali na hilo wapo ambao wameshindwa kuonyesha kiwango kikubwa na pia nao nimewaandikia sababu za kuachwa,"alisema Katwila.

Amesema, ukiachilia hilo pia katika ripoti yake ameweka wazi wachezaji anaowahitaji ila cha zaidi anasubiri majibu ya uongozi kuhusiana na wachezaji hao na iwapo watashindikana kupatikana hatua ya itakayofuata ni kuita wachezaji katika kufanya majaribio katika timu yao.

Katwila amesema mpaka sasa hawajajua ni wapi wataweka kambi hiyo ya maandalizi ya ligi hadi pale watakapopata maelekezo kutoka kwa Uongozi kama watakaa Manungu au nje ya mkoa wa Morogoro.


Kikosi cha Mtibwa.