THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

WORLD MERIT TANZANIA YAJIPANGA KUMRUDISHA RAIS TRUMP KATIKA MABADILIKO YA TABIA NCHI

Mkuu wa Wilaya ya Ilala , Sophia Mjema akimpongeza Kiongozi wa World Merit Tanzania , Rose Mmbaga katika siku ya kilele cha Mazingira Duniani yaliyofanyika katika Viwanja vya Mnazi Mmoja.

Na Humphrey Shao, Globu ya Jamii

Taasisi isiyo ya Kiserikali inayojihusisha na utunzaji wa Mazingira nchini ya Word Merit Tanzania,  imesema ipo katika kampeni maalum ya kuhakikisha kuwa Rais wa Marekani Donald Trump anatambua uwepo wa mabadiliko ya tabia nchi Duniani kwa kuanzisha kampeni ya GREEN TRUMP.

Hayo yamesemwa na kiongozi wa shirika hilo nchini Tanzania , Rose Mmbaga alipokuwa akizungumza na Ripota wa globu ya Jamii wakati wa kufunga siku ya Mazingira Duniani iliyofanyika katika Viwanja vya Mnazi mmoja jijini Dar es Salaam jana.

“kwa sasa tumeamua kuwa na kampeni moja ambayo inakwenda kwa jina la ‘GREEN TRUMP’ Ambayo itawakutanisha vijana wanaojitolea kwa kupanda miti nchi nzima ili waweze kumuaminisha Rais wa Marekani kuwa mapinduzi ya kijani yanawezekana licha ya kiongozi huyu kujitoa katika ule mkataba wa Paris” amesema Mmbaga.

Ameongeza kuwa yeye kama kiongozi kijana ameamua kujikita katika kuhamasisha swala la mazingira ili kusaidia vijana wengine kuingia katika mapambano haya,ili nchi yetu iweze kujikinga na majanga mbalimbali.

Amesema kuwa mabadiliko ya tabia nchi yamekuwa yakileta majanga mengi sana nchini ikiwemo suala kurudisha maendeleo nyuma kwa kuharibu miundombinu, ambayo imejengwa kwa gharama kubwa kutoka katika fedha za watanzania.

Alimaliza kwa kusema kuwa ufike wakati wa Vijana sasa kutambua na kuheshimu mazingira ili yaweze kututunza kwa ajili ya kizazi chetu cha baadae.
Mkuu wa Wilaya ya Ilala , Sophia Mjema akiwa katika picha ya pamoja na Vijana wa World Merit Tanzania ambao wamejitolea kutunza Mazingira nchini