THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


Gadget

This content isn't available over encrypted connections yet.

MKE WA WAZIRI MKUU APONGEZA WANAWAKE WAJASIRIAMALI ILEJE

MKE wa Waziri Mkuu Mama Mary Majaliwa amewapongeza wanawake wa wilaya ya Ileje mkoani Songwe kwa kushiriki katika shughuli mbalimbali za ujasiriamali.

Ametoa pongezi hizo leo (Jumamosi, Julai 22, 2017) wakati akiwasalimia wananchi wa wilaya ya Ileje katika mkutano wa hadhara uliofanyika katika uwanja wa Stendi.Ametoa pongezi hizo baada ya kushiriki katika ukaguzi wa vikundi mbalimbali vya wanawake wanaojihusisha na shughuli za ujasiriamali wilayani Ileje.

Mke wa Waziri Mkuu ambaye ameambatana na Waziri Mkuu Kassim Majaliwa katika ziara ya kikazi mkoani Songwe, amesema ujasiriamali ni mkombozi kwa wanawake.

Mama Mary amesema amefarijika kuona wanawake wengi wakishiriki katika shughuli za ujasiriamali kwa kuwa zinalenga kuwaongezea kipato na kuwakwamua kiuchumi.Mmoja wa wajasiriamali hao, Bi. Riziki Sunday amesema shughuli hizo za ujasiriamali zimemuwezesha kumudu mahitaji ya familia yake, hivyo kuondokana na utegemezi.

Bi. Riziki amesema kuwa miongoni mwa faida alizozipata kutokana na ujasiriamali ni pamoja na kujenga nyumba, kusomesha watoto na kuongeza mashamba.

Pia Bi. Riziki ametumia fursa hiyo kuwashauri wanawake wenzake kujiunga na vikundi vya ujasiriamali ili waweze kujikwamua kiuchumi na kuondokana na utegemezi.
Waziri Mkuu, Kassim Majaliwa na Mkewe Mary Majaliwa wakitazama vifaranga wa samaki wakati alipotembelea banda la Kikundi cha wanawake cha Tukazane cha Ileje kabla ya kuhutubia mkutano wa hadhara kwenye stendi ya mabasi ya Ileje Julai 22, 2017. (Picha na Ofisi ya Waziri Mkuu)